Mohan Bhagwat: ‘హిందువులే ఆవులను వధించడానికి పంపుతున్నారు’… ఆర్ఎస్ఎస్ చీఫ్ మోహన్ భగవత్ ఆవేదన
- Follow Us :
-
-
Add as a preferred
source on google
Mohan Bhagwat: రాష్ట్రీయ స్వయంసేవక్ సంఘ్ (ఆర్ఎస్ఎస్) చీఫ్ మోహన్ భగవత్ గోహత్యపై పెద్ద ప్రకటన చేశారు. ఓ కార్యక్రమంలో మోహన్ భగవత్ మాట్లాడుతూ.. ఆవును వధించడానికి కసాయిని పంపేది హిందువులే అని అన్నారు. కార్యక్రమంలో ప్రతి ఒక్కరూ గోవు సేవ చేయాలని ఆర్ఎస్ఎస్ చీఫ్ పిలుపునిచ్చారు. మోహన్ భగవత్ ఉత్తరప్రదేశ్లోని మథురాలోని ఫరా ప్రాంతంలోని దీనదయాళ్ కామధేను గౌశల సమితి కార్యక్రమానికి మంగళవారం చేరుకున్నారు. కార్యక్రమంలో ఆవుల పరిస్థితిపై విచారం వ్యక్తం చేశారు. అనంతరం భగవత్ మాట్లాడుతూ, “బంగ్లాదేశ్లో అత్యధిక సంఖ్యలో ఆవులను సాకుతున్నారు, అయితే వాటిని అక్కడికి ఎవరు పంపుతారు అనేది ప్రశ్న? ఈ ఆవులు హిందువుల ఇళ్ల నుండి అక్కడికి చేరుకుంటాయి. వాటిని మోసే ప్రజలు కూడా హిందువులే.’ అన్నారు. భగవత్ ఇక్కడితో ఆగలేదు. అంటూ మరో ప్రశ్న లేవనెత్తాడు. మోహన్ భగవత్ మాట్లాడుతూ.. మేము ఆవును తల్లి అని పిలుస్తాము, కాని ఆవులను వధకు పంపడం కొడుకు విధి? ఆవులను వధకు పంపడం సరైన పని కాదు. గోవులకు సేవ చేస్తాం.. ఇలా వెళ్లనీయ వద్దని ప్రజలకు విజ్ఞప్తి చేశారు.
Read Also:Uttarakhand : చావు నోట్లో నుంచి బయట పడ్డట్లుంది.. టన్నెల్లో చిక్కుకున్న కార్మికుల ఆవేదన
ఆవును మనం ఎప్పుడూ మనతోనే ఉంచుకోవాలని, చనిపోయిన తర్వాత దాని కొమ్ము, చర్మం కూడా మనకు ఉపయోగపడుతుందని భగవత్ చెప్పారు. చనిపోయిన తర్వాత కూడా గోవులు మనకు సేవచేస్తుంటే, అవి జీవించి ఉండగా మనం ఎందుకు సేవ చేయలేమని ఆర్ఎస్ఎస్ చీఫ్ మోహన్ భగవత్ అన్నారు. ఆవుల గురించి అనేక రకాల ప్రామాణికమైన పరిశోధనలను సేకరిస్తామని మోహన్ భగవత్ అన్నారు. గౌశాల సమితి రూ.200 కోట్లతో దీనదయాళ్ కౌ సైన్స్, రీసెర్చ్ అండ్ ట్రైనింగ్ సెంటర్ను నిర్మించింది. మొదటి దశలో, పరిపాలనా భవనం, తరగతి గది, బయోగ్యాస్ జనరేటర్తో నడిచే నేత కేంద్రం నిర్మించబడ్డాయి. ఈ కేంద్రం ప్రారంభోత్సవం కోసం ఆర్ఎస్ఎస్ చీఫ్ మోహన్ భగవత్ మధుర చేరుకున్నారు.