Redmi Watch Move: 2.07 అంగుళాల AMOLED డిస్‌ప్లే, 24 రోజుల బ్యాటరీ లైఫ్తో రెడ్‌మీ నుంచి రాబోతున్న మరో స్మార్ట్‌వాచ్!

Redmi Watch Move: రెడ్‌మీ (Redmi) చైనా టెక్ దిగ్గజం షియోమీ (Xiaomi)కి చెందిన సబ్-బ్రాండ్. ఈ కంపెనీ ముఖ్యంగా వినియోగదారులకు ఆకర్షణీయమైన ధరల వద్ద ప్రీమియం ఫీచర్లను అందిస్తూ స్మార్ట్‌ఫోన్‌లు, టీవీలు, గాడ్జెట్ల మార్కెట్‌లో తనదైన స్థానం ఏర్పరచుకుంది. ఇకపోతే 2023లో Redmi Watch 5 Active, Watch 5 Lite లాంచ్ చేసిన తరువాత ఇప్పుడు కంపెనీ తదుపరి స్మార్ట్‌వాచ్ అయిన Redmi Watch Move ను ఏప్రిల్ 21న భారత మార్కెట్లో విడుదల చేయనున్నట్లు అధికారికంగా ప్రకటించింది. “Your Next Big Move” అనే ట్యాగ్‌లైన్‌తో రెడ్‌మీ ఈ స్మార్ట్‌వాచ్‌ను ప్రొమోట్ చేస్తోంది. ఇది మీ ఫిట్‌నెస్ ప్రయాణాన్ని మెరుగుపరచడానికి, అలాగే లైఫ్‌స్టైల్స్‌కు అనుగుణంగా డిజైన్ చేసిన ఫీచర్ రిచ్ వాచ్‌గా ఉండబోతున్నట్లు కంపెనీ చెబుతోంది.

Read Also: CMF Phone 2: మరోమారు అద్భుత ఆవిష్కరణకు సిద్దమైన CMF.. కొత్త ఫోన్ లాంచ్కు డేట్ లాక్

ఇందులో AMOLED డిస్‌ప్లే ఉండబోతుందన్న విషయం కంపెనీ ఇప్పటికే ధృవీకరించింది. విడుదల చేసిన టీజర్ ప్రకారం, ఈ వాచ్‌కు కర్వుడ్ స్క్రీన్, అలాగే కుడివైపులో సింగిల్ బటన్ ఉండేలా డిజైన్ చేసినట్టు కనిపిస్తోంది. ఇక రాబోయే స్మార్ట్‌వాచ్ లోని ప్రధాన ఫీచర్ల విషయానికి వస్తే.. ఇందులో 2.07 అంగుళాల AMOLED డిస్‌ప్లే, 1500 నిట్స్ బ్రైట్‌నెస్‌తో ఉండనునన్నట్లు సమాచారం. ఇందులో 5-సిస్టమ్ GNSS ఇంటిగ్రేషన్, అల్యూమినియం అలాయ్ ప్రీమియం ఫ్రేమ్, బ్లూటూత్ ఫోన్ కాల్ సపోర్ట్, డ్యూయల్ మైక్ నాయిస్ రిడక్షన్, లినియర్ మోటార్, ఒకే చార్జ్‌తో 24 రోజుల బ్యాటరీ లైఫ్ ఉండనున్నట్లు సమాచారం.

ఇప్పటికే టీజర్ విడుదల కావడంతో ఈ వాచ్‌కు సంబంధించిన ఫుల్ స్పెసిఫికేషన్లు, ధర, అదనపు ఫీచర్లు అతి త్వరలో తెలియనున్నాయి. ఏప్రిల్ 21న అధికారికంగా విడుదలయ్యే ఈ వాచ్‌ గురించి పూర్తి సమాచారం త్వరలో అందుబాటులోకి రానుంది. రాబోయే Redmi Watch Move డిజైన్, ఫీచర్లు, లైఫ్‌స్టైల్ ఫోకస్‌తో భారతీయ వినియోగదారులకు ఒక విలువైన ఎంపికగా నిలిచే అవకాశం ఉంది. మీరు ఫిట్‌నెస్ గాడ్జెట్లలో ఆసక్తి ఉన్నవారైతే, ఈ వాచ్ మీకు ఎంతగానో ఉపయోగపడనుంది.