Ravi Teja : రవితేజ 77వ సినిమా ‘ఇరుముడి’.. భక్తి, భావోద్వేగాలతో అదిరిపోయిన ఫస్ట్ లుక్ !

మాస్ మహారాజా రవితేజ పుట్టినరోజు సందర్భంగా నేడు ఆయన 77వ చిత్రం టైటిల్, ఫస్ట్ లుక్‌ను చిత్రబృందం విడుదల చేసింది. శివ నిర్వాణ దర్శకత్వంలో తెరకెక్కుతున్న ఈ సినిమాకు ‘ఇరుముడి’ అనే పవర్‌ఫుల్ టైటిల్‌ను ఖరారు చేశారు. అయ్యప్ప స్వామి భక్తులు ఎంతో పవిత్రంగా భావించే ఈ పేరు, సినిమాలో ఆధ్యాత్మికతతో కూడిన బలమైన కథ ఉండబోతోందని స్పష్టం చేస్తోంది. ఇక

Also Read: Kitchen Tips : మీ పనిని సులభతరం చేసే 6 అద్భుతమైన వంటగది చిట్కాలు !

ఫస్ట్ లుక్ పోస్టర్‌లో రవితేజ మునుపెన్నడూ లేని విధంగా అయ్యప్ప మాల ధరించి, భక్తి తో డ్యాన్స్ చేస్తూ కనిపిస్తున్నారు. అన్నిటికంటే ముఖ్యంగా, రవితేజ భుజంపై ఒక చిన్న పాపను ఎత్తుకుని ఉండటం చూస్తుంటే, సినిమాలో తండ్రి-కూతుళ్ల మధ్య ఉండే ఎమోషనల్ బాండింగ్ ప్రధాన ఆకర్షణగా నిలవనుందని అర్థమవుతోంది. మైత్రీ మూవీ మేకర్స్ నిర్మిస్తున్న ఈ చిత్రం రవితేజ కెరీర్‌లో ఒక విభిన్నమైన పాత్రను చూపించబోతోంది.

ఈ సినిమాలో రవితేజ సరసన ప్రియా భవానీ శంకర్ హీరోయిన్‌గా నటిస్తుండగా, జి.వి. ప్రకాష్ కుమార్ సంగీతాన్ని అందిస్తున్నారు. ‘కొన్ని కథలు సరైన సమయంలో మనల్ని వెతుక్కుంటూ వస్తాయి’ అంటూ రవితేజ ఈ ప్రాజెక్ట్ పట్ల తన ఉత్సాహాన్ని సోషల్ మీడియా వేదికగా పంచుకున్నారు. ప్రస్తుతం శరవేగంగా షూటింగ్ జరుపుకుంటున్న ఈ మూవీలో సాయి కుమార్, అజయ్ ఘోష్ వంటి సీనియర్ నటులు కీలక పాత్రలు పోషిస్తున్నారు. మాస్ అంశాలకు తోడు మనసును హత్తుకునే భావోద్వేగాలు ఉన్న ఈ ‘ఇరుముడి’ రవితేజకు మరో సక్సెస్‌ను అందిస్తుందని అభిమానులు ఆశిస్తున్నారు.