Ravi Kishan: ‘‘జెన్-జీ భారతదేశ ఆత్మ’’.. CJPకి యువతతో సంబంధం లేదు..

Ravi Kishan: కాక్రోచ్ జనతా పార్టీ(CJP) జెన్-జీ ఉద్యమాలు చేస్తున్న తరుణంలో.. బీజేపీ ఎంపీ, నటుడు రవి కిషన్ కీలక వ్యాఖ్యు చేశారు. ఈ దేశానికి యువతే భవిష్యత్తు అని, జెన్-జీ భారతదేశ ఆత్మ అని అన్నారు. యువత దేశభక్తి కలిగిన వారని, అనేక విషయాలపై అవగాహనతో ఉన్నారని, భవిష్యత్తులో దేశాన్ని నడిపించే బాధ్యతలు చేపడుతారని పేర్కొన్నారు. ముంబైలో నిర్వహించిన ‘ఖిడ్కియాన్ థియేటర్ ఫిల్మ్ ఫెస్టివల్ 2026’లో బాలీవుడ్ నటుడు నవాజుద్దీన్ సిద్ధిఖీతో కలిసి పాల్గొన్న రవికిషన్ ఈ వ్యాఖ్యలు చేశారు. జెన్-జీలో తనను తాను చూసుకుంటున్నానని అన్నారు.

ఇదే సమయంలో ఢిల్లీలో జంతర్ మంతర్ వద్ద జరుగుతున్న నిరసనల్ని ప్రస్తావిస్తూ..ఈ నిరసనలకు జెన్‌జీతో, దేశంలోని మొత్తం యువతతో సంబంధం లేదని అన్నారు. యువత దేశభక్తితో ఉంటారని, దేశానికి అండగా నిలుస్తారని ఆయన వ్యాఖ్యానించారు. యువతకు ఎవరు ఏం చెప్పాల్సిన పనిలేదని, వారికి ఇప్పటికే అన్ని విషయాలపై అవగాహన ఉందని అన్నారు.