Ramayana Box Office: నితేష్ తివారీ దర్శకత్వంలో వచ్చిన భారీ చిత్రం ‘రామాయణం: రైజ్ ఆఫ్ ఎ లెజెండ్’ (Ramayana: Rise of a Legend) దీపావళి సండే రోజున బాక్సాఫీస్ వద్ద రికార్డు కలెక్షన్లతో దుమ్మురేపింది. దీపావళి ఫెస్టివల్ రోజున ఏకంగా రూ.56.15 కోట్ల నెట్ (Nett) వసూలు చేసి, ప్రపంచవ్యాప్తంగా రూ.500 కోట్ల మైలురాయికి (Global Milestone) అత్యంత చేరువగా వెళ్లింది. పండక్కి మూడు రోజుల ముందే థియేటర్లలోకి వచ్చిన ఈ మూవీ, ప్రి-ఫెస్టివల్ రిలీజ్‌లలో ఇప్పటికే రికార్డు సృష్టించింది. అసలైన దీపావళి రోజైన ఆదివారం ఈ సినిమాకి పెద్ద పరీక్షగా నిలిచింది. ఓపెనింగ్స్ బాగున్నప్పటికీ, పండగ రోజు కలెక్షన్లు ఏ రేంజ్‌లో ఉంటాయో అని మేకర్స్ ఆశగా ఎదురుచూశారు. అనుకున్నట్లే రీసెంట్ ఇయర్స్‌లో ఏ బాలీవుడ్ (Bollywood) సినిమా సాధించని విధంగా బిగ్గెస్ట్ దీపావళి డే కలెక్షన్‌ సాధించి ఆకట్టుకుంది.
ఇండస్ట్రీ ట్రాకింగ్ సైట్ సక్నిల్క్ (Sacnilk) ప్రకారం, ఆదివారం నాటి హాల్‌తో ఈ సినిమా 4 రోజుల ఇండియా నెట్ కలెక్షన్స్ పరంగా ప్రభాస్ ‘ఆదిపురుష్’ (Adipurush) రికార్డును దాటేసింది. మొదటి 4 రోజుల్లో ఆదిపురుష్ రూ.237 కోట్లు వసూలు చేయగా, రామాయణం చిత్రం రూ.238.85 కోట్ల నెట్ సాధించి కాస్త ముందంజలో నిలిచింది. ఇక డొమెస్టిక్ గ్రాస్ (Domestic Gross) రూ.285.20 కోట్లకు చేరగా, ఓవర్సీస్ గ్రాస్ (Overseas Gross) రూ.214 కోట్లుగా నమోదైంది. దీంతో ప్రపంచవ్యాప్తంగా కలెక్షన్స్ రూ.499.20 కోట్లకు చేరాయి. కేవలం 4 రోజుల్లోనే రూ.500 కోట్ల మార్క్‌ను దాటడానికి ఒక్క అడుగు దూరంలో నిలిచింది.
ఆదివారం రాత్రి 9 గంటల సమయానికే, గతంలో దీపావళి రోజున ఎక్కువ కలెక్షన్లు సాధించిన సల్మాన్ ఖాన్ ‘టైగర్ 3’ (Tiger 3 – రూ.44.50 కోట్లు) రికార్డును రామాయణం దాటేసింది. ఆ తర్వాతి స్థానాల్లో రోహిత్ శెట్టి ‘సింగం ఎగైన్’ (Singham Again – రూ.43.50 కోట్లు), ఆయుష్మాన్ ఖురానా ‘థామ’ (Thaama – రూ.24 కోట్లు) ఉన్నాయి. ఆదివారం దేశవ్యాప్తంగా 21,770 షోలు ప్రదర్శించగా, సుమారు 23.53 లక్షల టిక్కెట్లు (Tickets) అమ్ముడయ్యాయి. ఇందులో సింహభాగం హిందీ వర్షన్ (Hindi Version) నుంచే వచ్చింది. హిందీలో 17,755 షోల ద్వారా రూ.36.75 కోట్లు నమోదయ్యాయి. కన్నడ వర్షన్ రూ.7.25 కోట్లు, తెలుగు వర్షన్ (Telugu Version) రూ.6.25 కోట్లు రాబట్టగా.. తమిళ, మలయాళ వర్షన్లు వరుసగా రూ.3.15 కోట్లు, రూ.2.75 కోట్లు సాధించాయి.