PM Modi: ఒకే ఒక్కడు.. ప్రధాని మోడీ హిస్టరీ క్రియేట్..
- ప్రధాని మోడీ హిస్టరీ క్రియేట్
- మోడీ తన పదవీకాలంలో 8,931వ రోజును పూర్తి చేసుకుని, రికార్డు సృష్టించారు
- భారత్ లో అత్యధిక కాలం పనిచేసిన ప్రభుత్వ అధినేతగా నిలిచారు
- Follow Us :
-
-
Add as a preferred
source on google
ఈ రోజు, ఆదివారం (మార్చి 22, 2026), భారత రాజకీయాల్లో ముఖ్యమైన రోజు. ప్రధానమంత్రి నరేంద్ర మోడీ, సిక్కిం మాజీ ముఖ్యమంత్రి పవన్ కుమార్ చామ్లింగ్‌ను అధిగమించి, భారత్ లో అత్యధిక కాలం పనిచేసిన ప్రభుత్వ అధినేతగా నిలిచారు. పవన్ కుమార్ చామ్లింగ్ 8,930 రోజుల పాటు ముఖ్యమంత్రిగా పనిచేయగా, ప్రధానమంత్రి మోడీ ఇప్పుడు ప్రభుత్వ అధినేతగా 8,931 రోజులు ప్రజా పదవిలో పూర్తి చేసుకున్నారు. మోడీ తన పదవీకాలంలో 8,931వ రోజును పూర్తి చేసుకుని, రికార్డు సృష్టించారు. ఇందులో గుజరాత్ ముఖ్యమంత్రిగా, ఇప్పుడు ప్రధానమంత్రిగా ఆయన పదవీకాలం కూడా కలిసింది. దశాబ్దాల పాటు కొనసాగిన ప్రజా సేవ, నాయకత్వానికి నిదర్శనమైన ఇది ఒక అరుదైన, అసాధారణమైన ఘనత.
ప్రధాని మోదీ గురించి గమనించాల్సిన ఒక విషయం
గుజరాత్‌కు అత్యధిక కాలం ముఖ్యమంత్రిగా పనిచేసిన వ్యక్తి.
ముఖ్యమంత్రిగా అత్యంత సుదీర్ఘ అనుభవం ఉన్న ప్రధానమంత్రి.
స్వాతంత్ర్యం తర్వాత జన్మించిన తొలి ప్రధానమంత్రి.
వరుసగా మూడు లోక్‌సభ ఎన్నికల (2014, 2019, 2024) విజేత.
అమిత్ షా ఏమి చెప్పారు?
హోం మంత్రి అమిత్ షా మాట్లాడుతూ, “సేవ, కృషి అచంచలమైన అంకితభావంతో సాధించిన ఒక మైలురాయి. సిక్కిం మాజీ ముఖ్యమంత్రి పవన్ కుమార్ చామ్లింగ్ నెలకొల్పిన 8,930 రోజుల రికార్డును అధిగమించి, భారతదేశంలో అత్యధిక కాలం పనిచేసిన ప్రభుత్వ అధినేతగా ఈరోజు ప్రధానమంత్రి నరేంద్ర మోడీ రికార్డు సృష్టించారు.” అని అన్నారు.
“ప్రధాని మోడీ 8,931 రోజుల ప్రజా జీవితం – మొదట గుజరాత్ ముఖ్యమంత్రిగా, ఇప్పుడు ప్రధానమంత్రిగా – ‘దేశమే ప్రథమం’ అనే పాలన పట్ల ఆయనకున్న ప్రగాఢ అంకితభావాన్ని, చేతల్లో నిజాయితీని, ప్రతి పౌరునికి నిస్వార్థ సేవను ప్రతిబింబిస్తుంది. అపూర్వమైన విశ్వాసం, అసమానమైన సేవపై నిర్మించబడిన ఒక విశిష్ట వారసత్వం. అని అమిత్ షా కొనియాడారు.
అమిత్ షా ఇలా అన్నారు, “మోడీజీ దశాబ్దాల సేవ ఒక ప్రత్యేక శకాన్ని సృష్టించింది. పేదలకు హక్కులు కల్పించడం, అభివృద్ధిలో కొత్త రికార్డులు నెలకొల్పడం లేదా ప్రపంచ వేదికలపై దేశ గౌరవాన్ని పెంచడం వంటి విషయాలలో మోడీ శకం భారతదేశాన్ని పూర్తిగా మార్చేసింది.”
Also Read:PEDDI : పెద్ది స్పెషల్ సాంగ్.. రామ్ చరణ్ సరసన సొగసుల సుందరి
“ఈ నూతన భారతదేశ నిర్మాణానికి జీవితకాల కృషి అవసరమైంది, ఆ కృషిని ప్రధాని నరేంద్ర మోడీ చేశారు. 24 ఏళ్లకు పైగా ఒక్క సెలవు కూడా తీసుకోకుండా దేశానికి, ప్రజలకు సేవ చేయడం ఆయన అచంచలమైన అంకితభావానికి నిదర్శనం. అందుకే గుజరాత్ ముఖ్యమంత్రిగా మూడుసార్లు, భారత ప్రధానిగా మూడుసార్లు ఆయన ప్రజల నుంచి అపూర్వమైన ప్రేమను పొందారు. ఆయనపై ప్రజల నమ్మకం, అభిమానం, మద్దతు రోజురోజుకూ పెరుగుతూనే ఉన్నాయి,” అని కేంద్ర హోం మంత్రి వెల్లడించారు.