Mythri Movie Makers: ప్రదీప్ రంగనాథన్ మైత్రి మూవీ మేకర్స్.. #PR04 గ్రాండ్ లాంచ్
ప్రదీప్ రంగనాథన్ తన దర్శకత్వంలో రూపొందిన బ్లాక్బస్టర్ చిత్రం ‘లవ్ టుడే’తో నటుడిగా పరిచయమయ్యాడు. ఆ తర్వాత తన ఇటీవలి హిట్ ‘డ్రాగన్’తో తమిళం మరియు తెలుగు రెండు భాషల్లోనూ విజయం సాధించి విపరీతమైన జనాదరణ పొందాడు. వరుస విజయాలతో ప్రదీప్ రంగనాథన్ తమిళ సినిమాల్లోనే కాకుండా తెలుగు పరిశ్రమలో కూడా తనకంటూ ఓ గుర్తింపు తెచ్చుకున్నాడు. పాన్-ఇండియా నిర్మాణ సంస్థ అయిన మైత్రి మూవీ మేకర్స్, ప్రదీప్ రంగనాథన్ హీరోగా ఓ తమిళం-తెలుగు ద్విభాషా చిత్రాన్ని ప్రకటించింది. గతంలో పలు విజయవంతమైన ప్రాజెక్టులకు సహాయ దర్శకుడిగా పనిచేసిన కీర్తిశ్వరన్ ఈ చిత్రంతో దర్శకుడిగా పరిచయం కానున్నారు.
Mythri Movie Makers: 2026 అంతా మాదే అంటున్న మైత్రీ మూవీ మేకర్స్
#PR04 అనే ఈ చిత్రం ఈ రోజు పూజా కార్యక్రమాలతో లాంఛనంగా ప్రారంభమైంది. ముహూర్తపు వేడుకల్లో విడుదలైన మొదటి విజువల్స్, ప్రదీప్ రంగనాథన్ నటించిన ఒక ఆసక్తికర సన్నివేశాన్ని ఆవిష్కరించాయి. ఈ సన్నివేశం ఉద్విగ్నంగా మొదలై, సరదాగా ఒక ముద్దుతో ముగుస్తుంది, ఇది కొత్త తరం కథాంశంతో సంపూర్ణ వినోదాత్మక చిత్రంగా రూపొందనుంది. ‘ప్రేమలు’ చిత్రంతో ప్రేక్షకులను ఆకట్టుకున్న మమిత బైజు ఈ సినిమాలో హీరోయిన్గా నటిస్తుండగా, సీనియర్ నటుడు శరత్ కుమార్ ఒక ముఖ్యమైన పాత్రలో కనిపించనున్నారు. మైత్రి మూవీ మేకర్స్ ఈ ప్రాజెక్ట్ కోసం నైపుణ్యం కలిగిన సాంకేతిక నిపుణులను ఎంచుకుంది. యువ సంగీత సంచలనం సాయి అభ్యాంకర్ ఈ చిత్రానికి సంగీతం సమకూరుస్తుండగా, నికేత్ బొమ్మి సినిమాటోగ్రఫీ బాధ్యతలు నిర్వహిస్తున్నారు. లతా నాయుడు ప్రొడక్షన్ డిజైనర్గా, భరత్ విక్రమన్ ఎడిటర్గా వ్యవహరిస్తున్నారు.
ప్రస్తుతం ఈ చిత్ర షూటింగ్ ప్రక్రియ కొనసాగుతోంది.