టాలీవుడ్ పవర్ స్టార్ పవన్ కళ్యాణ్ సినిమా వస్తుందంటే అభిమానుల్లో ఉండే పూనకాలే వేరు. అయితే పవన్ సినిమాల్లో పాత హిట్ సాంగ్స్ను రీమిక్స్ చేసినప్పుడల్లా బాక్సాఫీస్ వద్ద ఫలితం తలకిందులవుతుందనే ఒక బలమైన సెంటిమెంట్ చిత్ర పరిశ్రమలో ఉంది. తాజాగా విడుదలైన ‘ఉస్తాద్ భగత్ సింగ్’ చిత్రంతో ఈ ‘రీమిక్స్ ఫ్లాప్ సెంటిమెంట్’ మరోసారి నిజమైందనే చర్చ మొదలైంది. సాధారణంగా వేరే హీరోల పాత హిట్ సాంగ్స్ను రీమిక్స్ చేయడం చూస్తుంటాం.
కానీ ఈసారి ‘ఉస్తాద్ భగత్ సింగ్’ కోసం పవన్ తన కెరీర్లోనే బిగ్గెస్ట్ హిట్ అయిన తొలిప్రేమలోని క్లాసిక్ సాంగ్ ‘మనసై.. మనసై’ను రీమిక్స్ చేశారు. తన సొంత పాటనే వాడుకున్నా సరే ఈ సినిమా ఆశించిన స్థాయిలో విజయం సాధించలేకపోవడం గమనార్హం. పాట ఎవరిదైనా రీమిక్స్ టచ్ తగిలితే పవన్కు కలిసిరాదనే విషయం మరోసారి రుజువైంది. ఈ రీమిక్స్ సెంటిమెంట్ ఈనాటిది కాదు. గతంలో కూడా పవన్ కళ్యాణ్ తన సినిమాల్లో పాత సాంగ్స్ను రీమిక్స్ చేసిన ప్రతిసారీ చేదు అనుభవమే ఎదురైంది. తన స్వీయ దర్శకత్వంలో నటించిన జానీ ఈ సినిమాలో సీనియర్ ఎన్టీఆర్ నటించిన ‘చిట్టి చెల్లెలు’ చిత్రంలోని ఐకానిక్ సాంగ్ ‘ఈ రేయి ఎంతో తియ్యనిది..’ను రీమిక్స్ చేశారు. భారీ అంచనాల మధ్య విడుదలైన ఈ చిత్రం బాక్సాఫీస్ వద్ద డిజాస్టర్గా నిలిచింది. తీన్మార్ చిత్రంలో అక్కినేని నాగేశ్వరరావు నటించిన ‘బస్తీ దొరసానీ’ పాటను రీమిక్స్ చేశారు. అప్పట్లో ఈ పాట మంచి ఊపు ఊపినా సినిమా మాత్రం పరాజయం పాలైంది. సాధారణంగా రీమిక్స్ పాటలు క్రేజ్ పెంచడానికి సహాయపడతాయి. కానీ పవన్ కళ్యాణ్ విషయంలో మాత్రం ఆ పాటలు ఎంత హిట్టయినా సినిమా ఫలితం మాత్రం నిరాశజనకంగానే ఉంటోంది. ‘ఉస్తాద్ భగత్ సింగ్’ విషయంలో కూడా అదే పునరావృతం కావడంతో ఇకపై పవన్ సినిమాల్లో రీమిక్స్ జోలికి వెళ్లకపోవడమే మంచిదని అభిమానులు అభిప్రాయపడుతున్నారు.
