Vitamin B1 Deficiency : గర్భిణీలలో విటమిన్ బి1 లోపం.. తల్లి, బిడ్డ ఆరోగ్యానికి పొంచి ఉన్న ముప్పు.!

గర్భధారణ సమయంలో మహిళలు సాధారణంగా ఐరన్, కాల్షియం , ఫోలిక్ యాసిడ్ వంటి పోషకాలపైనే ఎక్కువగా దృష్టి పెడుతుంటారు. కానీ, శరీరానికి అత్యంత అవసరమైన విటమిన్ బి1 (థయామిన్) లోపాన్ని చాలామంది గుర్తించలేకపోతున్నారు. ఈ విటమిన్ లోపం వల్ల గర్భిణీలలోనే కాకుండా పుట్టబోయే బిడ్డలలో కూడా ప్రాణాంతక సమస్యలు తలెత్తే అవకాశం ఉందని బెంగళూరుకు చెందిన ప్రముఖ గైనకాలజిస్ట్ డాక్టర్ శ్రీజ రాణి హెచ్చరిస్తున్నారు. ముఖ్యంగా భారతదేశంలో పాలిష్ చేసిన తెల్ల బియ్యాన్ని ప్రధాన ఆహారంగా తీసుకోవడం వల్ల ఈ పోషక లోపం అధికంగా కనిపిస్తోందని ఆమె ఆందోళన వ్యక్తం చేశారు.

Atlee-Raaka: ‘రాకా’ 18 ఏళ్ల కల, ఇది ఆరంభం మాత్రమే.. డైరెక్టర్ అట్లీ ఎమోషనల్ పోస్ట్!

థయామిన్ లేదా విటమిన్ బి1 అనేది శరీరంలో మెటబాలిజం ప్రక్రియలో కీలక పాత్ర పోషిస్తుంది. మనం తీసుకునే ఆహారంలోని కార్బోహైడ్రేట్లను శక్తిగా మార్చడానికి , నాడీ వ్యవస్థ, గుండె సమర్థవంతంగా పనిచేయడానికి ఇది ఇంధనంలా పనిచేస్తుంది. గర్భధారణ సమయంలో వచ్చే తీవ్రమైన వాంతులు (Hyperemesis Gravidarum) వల్ల శరీరంలోని థయామిన్ నిల్వలు వేగంగా తగ్గిపోతాయి. దీనివల్ల గర్భిణీలు నిరంతర అలసట, ఆకలి మందగించడం, కాళ్లు చేతుల్లో తిమ్మిర్లు , విపరీతమైన చిరాకు వంటి లక్షణాలకు గురవుతారు. ఈ లోపాన్ని సకాలంలో గుర్తించి చికిత్స అందించకపోతే, అది తల్లిలో గుండె సంబంధిత , నాడీ సంబంధిత వ్యాధులకు దారితీస్తుంది.

HPV వైరస్ అలర్ట్.. చిన్న వయస్సులోనే టీకా తీసుకోకపోతే క్యాన్సర్ ముప్పు.!

ఈ పోషక లోపం కేవలం తల్లికే పరిమితం కాకుండా, గర్భంలోని శిశువు ఎదుగుదలపై కూడా తీవ్ర ప్రభావం చూపుతుంది. థయామిన్ లోపం ఉన్న తల్లులకు పుట్టే బిడ్డలలో శ్వాసకోస ఇబ్బందులు, గుండె పనితీరులో లోపాలు , నాడీ వ్యవస్థ సరిగ్గా అభివృద్ధి చెందకపోవడం వంటి సమస్యలు ఎదురవుతాయి. కొన్ని సందర్భాల్లో ఇది శిశువులలో ‘బెరిబెరి’ వంటి ప్రమాదకర వ్యాధులకు కారణమవుతుంది. ఈ సమస్యను అధిగమించడానికి గర్భిణీలు తమ ఆహారంలో పొట్టు తీయని ధాన్యాలు, పప్పుధాన్యాలు, గింజలు , మాంసాన్ని చేర్చుకోవాలని వైద్యులు సూచిస్తున్నారు. ముఖ్యంగా తీవ్రమైన వాంతులు ఉన్నవారు , పౌష్టికాహార లోపం ఉన్నవారు వైద్యుల పర్యవేక్షణలో థయామిన్ సప్లిమెంట్లను తీసుకోవడం ద్వారా ఆరోగ్యకరమైన గర్భధారణను నిర్ధారించుకోవచ్చు.