Panchakarla Ramesh Babu: మంగళగిరిలోని జనసేన కార్యాలయానికి వచ్చిన మాజీ ఎమ్మెల్యే పంచకర్ల రమేష్ బాబు జనసేన అధినేత పవన్కళ్యాణ్తో భేటీ అయ్యారు. తాజాగా వైసీపీకి గుడ్బై చెప్పిన ఆయన.. ఈ నెల 20న పవన్కళ్యాణ్ సమక్షంలో జనసేన తీర్థం పుచ్చుకోనున్నట్లు చెప్పారు. మూడు రోజుల కిందట వైసీపీ విశాఖపట్నం జిల్లా అధ్యక్ష పదవికి రాజీనామా చేశానన్న పంచకర్ల .. ఇప్పుడు పవన్ కళ్యాణ్తో కలిసి పార్టీలో పని చేయాలనుకుంటున్నానన్నారు. పవన్ కళ్యాణ్ తనను పార్టీలోకి స్వాగతించారన్నారు. ఈ నెల 20న సాయంత్రం నాలుగు గంటలకు ఇక్కడే పార్టీలో చేరతానని.. సామాన్య కార్యకర్తలా పని చేస్తాను అని చెప్పారు. నా అనుభవాన్ని పార్టీ ఉపయోగించుకుంటుంది అని పవన్ కళ్యాణ్ చెప్పారన్నారు. రాష్ట్ర శ్రేయస్సుకు ఒక సైనికుడిలా పని చేస్తానని పంచకర్ల రమేష్ బాబు పేర్కొన్నారు.
Also Read: Viajayanagaram: ఉపాధ్యాయుడు కృష్ణ హత్యకేసు.. ఉద్దవోలులో ఉద్రిక్తత
ఆత్మ గౌరవం దెబ్బతినటం వల్లే వైసీపీని వీడినట్లు పంచకర్ల రమేష్ బాబు వెల్లడించారు. జిల్లా అధ్యక్షుడు కూడా ముఖ్యమంత్రిని కలిసే పరిస్థితి లేదని ఆయన ఆవేదన వ్యక్తం చేశారు. పార్టీ జిల్లా అధ్యక్షత బాధ్యతలు ఇచ్చినా ఏడాదిలో పని చేసి చూపించానన్నారు. అధికారాన్ని అడ్డం పెట్టుకుని ఒక్క రూపాయి సంపాదించాను అని నిరూపిస్తే గొంతు కోసుకుంటానన్నారు. వైవీ సుబ్బారెడ్డి అంటే తనకు అపారమైన గౌరవం ఉందన్నారు. సిట్టింగ్ ఎమ్మెల్యే ఉండగా ఇంత తొందరగా వేరే అభ్యర్థిని ప్రకటిస్తారని తాను ఎందుకు అనుకుంటానని.. టికెట్ అనేది అంశమే కాదన్నారు.
