Karachi Fire Accident: షాపింగ్ మాల్‌లో అగ్ని ప్ర‌మాదం.. 11 మంది మృతి!

11 Dead in Karachi Fire Accident: పాకిస్థాన్‌లోని క‌రాచీలో శనివారం ఉదయం భారీ అగ్ని ప్ర‌మాదం సంభవించింది. రషీద్ మిన్హాస్ రోడ్‌లోని ఆర్జే షాపింగ్ మాల్‌లో జ‌రిగిన అగ్ని ప్ర‌మాదంలో 11 మంది మృతి చెందారు. ఎమర్జెన్సీ రెస్క్యూ టీమ్‌లు ఘటనాస్థలికి చేరుకుని ఎంతో శ్రమించి మంటలను ఆర్పేశాయి. ఈ ప్ర‌మాదంలో 22 మందిని ర‌క్షించారు. 8 మృత‌దేహాల‌ను పోలీసులు గుర్తించారు. అగ్నిప్రమాదానికి గల కారణాలు ఇంకా తెలియరాలేదని అధికారులు తెలిపారు.

Also Read: Rajasthan Election 2023: స్కూటీపై వ‌చ్చి ఓటేసిన ఎంపీ.. వీడియో వైరల్!

ప్రమాదం జరిగిన బిల్డింగ్‌లో చిక్కుకున్న వారిని అగ్నిమాప‌క సిబ్బంది కాపాడారు. అయితే అప్పటికే కొందరు ఊపిరాడక, మంటల్లో చిక్కుకుని చనిపోయారు. శనివారం తెల్ల‌వారుజామున 6.30 నిమిషాల‌కు త‌మ‌కు ప్ర‌మాద స‌మాచారం అందిన‌ట్లు అగ్నిమాప‌క శాఖ తెలిపింది. ప్ర‌స్తుతం బిల్డింగ్‌లో మంట‌లు అదుపులోకి వచ్చాయి. నగరంలోని దాదాపు 90 శాతం నిర్మాణాలకు ఫైర్ ప్రొటెక్షన్ లేదని అధికారులు అంటున్నారు. బిల్డింగ్ కోడ్ పాటించకపోవడం వలన ఏటా 15,000 మందికి పైగా ప్రజలు ప్రాణాలను కోల్పోతున్నారని ఓ సర్వే తెలిపింది.