P.G. Vinda: 2025 తెలుగు సినిమాటోగ్రాఫర్స్ అసోసియేషన్ (TCA) ఎన్నికలు ఉత్సాహభరితంగా ముగిశాయి. తాజాగా జరిగిన ఈ ఎన్నికల్లో సభ్యుల భారీగా హాజరై.. అసోసియేషన్ పట్ల వారి నిబద్ధత, ఐక్యతను చాటారు. అసోసియేషన్ అభివృద్ధికి తమ పాలుపంచుకునే స్ఫూర్తితో చాలామంది సభ్యులు ఓటుహక్కును వినియోగించుకున్నారు. ఈ ఎన్నికల్లో పి.జి. విందా మరోసారి అసోసియేషన్ అధ్యక్షుడిగా విజయం సాధించారు. గతానికి ప్రాతిపదికగా ఆయన తీసుకున్న చొరవలు, నిర్వహణా నైపుణ్యం సభ్యులకు నమ్మకాన్ని కలిగించాయి. ఆయనతో పాటు రాహుల్ శ్రీవాత్సవ్ జనరల్ సెక్రటరీగా, జి. భీముడు అలియాస్ జి. శ్రీకాంత్ ట్రెజరర్గా ఎన్నికయ్యారు.
Read Also: Ramya Moksha: ఓంకార్ తమ్ముడి సినిమాలో అలేఖ్య చిట్టి పికిల్స్ చెల్లి రమ్య మోక్ష..!
గత పదవీ కాలంలో పి.జి. విందా నాయకత్వంలో అసోసియేషన్ నిర్మాణాత్మక మార్పులను చవిచూసింది. సినిమాటోగ్రఫీ రంగంలో ఉన్న సవాళ్లను అధిగమించేందుకు, నూతన సాంకేతికతపై అవగాహన పెంచేందుకు ఆయన ప్యానెల్ చేసిన కార్యక్రమాలు విశేష గుర్తింపు పొందాయి. ముఖ్యంగా యువ ప్రతిభావంతులకు అవకాశాలు కల్పించేలా, సహకార భావనతో కూడిన వాతావరణాన్ని ఏర్పరచారు. ఈ సందర్భంగా పి.జి. విందా మాట్లాడుతూ.. “నాపై మళ్ళీ నమ్మకాన్ని ఉంచిన సభ్యులందరికీ హృదయపూర్వక కృతజ్ఞతలు. ఈ విజయం నా ఒక్కరిది కాదు, అసోసియేషన్లోని ప్రతీ సభ్యుడి విజయం. మేము అందరం కలిసి, TCAను మరింత ఉన్నత స్థాయికి తీసుకెళ్లేందుకు కృషి చేద్దాం” అని తెలిపారు. ఈ విజయంతో తెలుగు సినిమాటోగ్రాఫర్ల సమాఖ్య భవిష్యత్తు దిశగా మరింత ఆశావహంగా పయనిస్తుందని అసోసియేషన్ సభ్యులందరూ విశ్వాసం వ్యక్తం చేశారు.
Read Also: itel A90: కేవలం రూ.6,499కే 5000mAh బ్యాటరీ, IP54 రేటింగ్ లతో itel A90 భారత్లో లాంచ్!
