Dasara: యాక్షన్ ఎంటర్‌టైనర్ ‘దసరా’ టీజర్‌కు ముహూర్తం ఖరారు

Dasara: నేచురల్ స్టార్‌ నాని నటిస్తోన్న యాక్షన్ ఎంటర్‌టైనర్ ‘దసరా’ సినిమా కోసం అభిమానులంతా ఎంతో ఆసక్తిగా ఎదురుచూస్తున్నారు. ఈ చిత్రంలో మాస్‌ గెటప్‌లో కనిపించనున్నాడు నేచురల్ స్టార్. మార్చి 30న ప్రపంచవ్యాప్తంగా థియేటర్లలో ఈ సినిమా విడుదలకు సిద్ధం అవుతోంది. నూతన దర్శకుడు శ్రీకాంత్ ఒదెల దర్శకత్వంలో వస్తోన్న ఈ చిత్రం నాని కెరీర్‌లో తొలి పాన్‌ ఇండియా సినిమాగా నిలవనుంది. ఈ చిత్రానికి సంబంధించిన ప్రొడక్షన్ పనులు ఇప్పటికే పూర్తి కాగా.. పోస్ట్ ప్రొడొక్షన్ పనులు శరవేగంగా జరుగుతున్నాయి.

ఈ సినిమా మేకర్స్ తాజాగా బిగ్ అనౌన్స్‌మెంట్ చేశారు. జనవరి 30న విడుదల కానున్న ఈ సినిమా టీజర్‌కి సంబంధించిన అనౌన్స్ మెంట్ వీడియోలో మధ్య వయస్కుడైన గ్రామస్థుడు బీడీ వెలిగించి, అగ్గిపుల్లని విసిరినప్పుడు మంటలు చెలరేగుతాయి. ఆ మంటల్లో టీజర్ తేదీని రివిల్ చేయడం చాలా ఆసక్తికరంగా ఉంది. కీర్తి సురేష్ కథానాయికగా నటిస్తుండగా, దీక్షిత్ శెట్టి కీలక పాత్రలో కనిపించనున్నారు. శ్రీ లక్ష్మీ వెంకటేశ్వర సినిమాస్ బ్యానర్‌పై సుధాకర్ చెరుకూరి ఈ చిత్రాన్ని భారీ ఎత్తున నిర్మిస్తున్నారు. రూ.70 కోట్ల బడ్జెట్ తో సినిమా తెరకెక్కుతోంది. సింగరేణి బొగ్గు గనుల బ్యాక్ డ్రాప్‌తో సినిమా వస్తోంది. పోస్ట్ ప్రొడక్షన్ పనులు పూర్తి చేసుకుని మార్చి 30న సినిమా ప్రేక్షకుల ముందుకు రానుంది. షూటింగ్ పూర్తి అయిందని, హీరోహీరోయిన్లు పెట్టిన పోస్టులు వైరల్ అయ్యాయి. సముద్రఖని, సాయి కుమార్, జరీనా వహాబ్ కీలక పాత్రలలో కనిపించనున్న ఈ చిత్రానికి సత్యన్ సూర్యన్ సినిమాటోగ్రఫర్ గా పని చేస్తున్నారు. సంతోష్ నారాయణన్ సంగీతం అందిస్తున్నారు.

Ravanasura: ‘రావణాసుర’ పోస్ట్ థియేట్రికల్ రైట్స్‌కు ఊహించని బిజినెస్

ఈ మూవీని తెరకెక్కిస్తున్న ఎస్‌ఎల్వీ సినిమాస్ ట్విటర్ అకౌంట్ ద్వారా టీజర్ రిలీజ్ విషయాన్ని తెలిపింది. జనవరి 30న మీ స్క్రీన్స్ పై అగ్గి పుట్టించడానికి దసరా టీజర్ వస్తోంది. తెలుగుతోపాటు హిందీ, తమిళం, కన్నడ, మలయాళం భాషల్లో ఈ టీజర్ రానున్నట్లు చెప్పింది. ఈ చిత్రానికి ఎడిటర్‌గా నవీన్‌ నూలి, ప్రొడక్షన్‌ డిజైనర్‌గా అవినాష్‌ కొల్లా, ఎగ్జిక్యూటివ్‌ నిర్మాతగా విజయ్‌ చాగంటి వ్యవహరిస్తున్నారు.