MS Dhoni To Miss SRH vs CSK Match Due To Injury: చెన్నై సూపర్ కింగ్స్, హైదరాబాద్ అభిమానులకు బ్యాడ్ న్యూస్. ఉప్పల్‌లోని రాజీవ్ గాంధీ ఇంటర్నేషనల్ స్టేడియంలో శుక్రవారం సన్‌రైజర్స్‌ హైదరాబాద్‌తో జరిగే మ్యాచ్‌లో టీమిండియా మాజీ కెప్టెన్ ఎంఎస్ ధోనీ బరిలోకి దిగడం అనుమానమే అని తెలుస్తోంది. ఆదివారం విశాఖలో ఢిల్లీ క్యాపిటల్స్‌తో జరిగిన మ్యాచ్‌లో ధోనీ నడవడానికి ఇబ్బంది పడిన విషయం తెలిసిందే. ఈ నేపథ్యంలో ముందస్తు జాగ్రత్తలో భాగంగా ఎస్‌ఆర్‌హెచ్ మ్యాచ్‌కు మహీకి విశ్రాంతి ఇవ్వనున్నట్లు నెట్టింట వార్తలు చక్కర్లు కొడుతున్నాయి.
Also Read: RCB vs LSG Dream 11 Prediction: బెంగళూరు, లక్నో డ్రీమ్ 11 టీమ్.. కెప్టెన్, వైస్ కెప్టెన్ టిప్స్!
ఐపీఎల్ 2023లో మోకాలి గాయంతో ఇబ్బందిపడిన ఎంఎస్ ధోనీ.. టోర్నీ అనంతరం శస్త్రచికిత్స చేయించుకున్నాడు. ఐపీఎల్ 2024కు కొన్ని నెలల ముందు ప్రాక్టీస్ మొదలుపెట్టాడు. ఈ సీజన్లో తొలి రెండు మ్యాచ్‌ల్లో ఆడని ధోనీ.. ఢిల్లీపై చెలరేగాడు. ఈ క్రమంలోనే గాయం తిరిగబెట్టినట్లుగా తెలుస్తోంది. ఒకవేళ విశ్రాంతి ఇవ్వకపోతే గాయం తీవ్రత ఎక్కువై లీగ్ మధ్యలో వైదొలగే అవకాశాలు ఉండడంతో.. ధోనీకి ఇప్పుడే విశ్రాంతి ఇవ్వాలని భావిస్తున్నారట. అయితే ఈవిషయంపై సీఎస్‌కే మేనేజ్మెంట్ ఎలాంటి అధికారిక ప్రకటన చేయలేదు.
