MLA Seethakka : అధికారం శాశ్వతం కాదు విలువలు, వ్యక్తిత్వం శాశ్వతం
- Follow Us :
-
-
Add as a preferred
source on google
రేపు ఖమ్మంలో జరిగే జనగర్జన సభకు నియోజకవర్గం నుండి పెద్ద సంఖ్యలో ప్రజలు తరలిరావాలని కాంగ్రెస్ శ్రేణులకు పిలుపునిచ్చారు ఎమ్మెల్యే సీతక్క. ఇవాళ.. ఖమ్మం సత్తుపల్లి లోని కాంగ్రెస్ పార్టీ కార్యాలయంలో మీడియా సమావేశంలో పాల్గొన్న ములుగు ఎమ్మెల్యే సీతక్క మాట్లాడుతూ.. ఏ సమస్యలు ఉన్న మీటింగ్ తర్వాత కోఆర్డినేషన్ టీమ్స్ ఏర్పాటు చేసుకొని పరిష్కరించుకుంటామని తెలిపారు. సభ జరగకుండా బీఆర్ఎస్ అనేక ఇబ్బందులను సృష్టిస్తుందని ఆమె మండిపడ్డారు.
Also Read : Khammam: కాంగ్రెస్ జెండాలు, ఫ్లెక్సీలతో ముస్తాబైన ఖమ్మం.. ప్రత్యేక ఆక‌ర్షణ‌గా హోర్డింగులు, భారీ క‌టౌట్లు
కాంగ్రెస్ పార్టీ బీఫామ్ ఇవ్వకుంటే ఎమ్మెల్యే అయ్యేటోడివా అంటూ మంత్రి పువ్వాడ పై విమర్శలు గుప్పించారు ఎమ్మెల్యే సీతక్క. అధికారం శాశ్వతం కాదు విలువలు, వ్యక్తిత్వం శాశ్వతమని ఆమె వ్యాఖ్యానించారు. రాజకీయాలకు అతీతంగా రాహుల్ గాంధీ చేస్తున్న ఉద్యమానికి మద్దతు ఇవ్వాలని ఆమె కోరారు. రాష్ట్రంలో కేసీఆర్‌ ప్రభుత్వం నియంత పాలన సాగిస్తూ మాయమాటలతో కాలం వెళ్లదీస్తుందని అన్నారు. కాంగ్రెస్ పార్టీ అధికారంలోకి వస్తే సంక్షేమ పథకాలతో ప్రజలకు మేలు జరుగుతుందని, రూ.500లకు వంటగ్యాస్‌, రూ.2లక్షల రైతు రుణమాఫీ, రేషన్‌కార్డుల ద్వారా తొమ్మిది రకాల నిత్యావసర సరుకుల పంపిణీ, కూలీబంధు పథకం కింద ఏడాదికి రూ.12వేలు అందించడం జరుగుతుందని తెలిపారు.
Also Read : Mahabubabad: మద్యం మత్తులో వైద్య సిబ్బంది హల్ చల్.. తాగిన మైకంలో పోసేశాడు..!