Instagram Addiction: టీనేజర్లను సోషల్ మీడియాకు బానిసలుగా మార్చేందుకే ఇన్స్టా..?.. మెటాపై తీవ్ర ఆరోపణలు
- Follow Us :
-
-
Add as a preferred
source on google
Instagram Addiction: ఫేస్బుక్ మాతృసంస్థ మెటా (Meta) మరోసారి వివాదంలో చిక్కుకుంది. మెటాకు చెందిన ప్రముఖ సోషల్ మీడియా ప్లాట్ఫామ్ ఇన్స్టాగ్రామ్ (Instagram) టీనేజర్లను ఉద్దేశపూర్వకంగా సోషల్ మీడియాకు బానిసలుగా మార్చే విధంగా రూపొందించబడిందంటూ అమెరికాలోని టెన్నెస్సీ రాష్ట్ర ప్రభుత్వం కోర్టును ఆశ్రయించింది. ఈ కేసులో మెటాతో పాటు సంస్థ వ్యవస్థాపకుడు, సీఈవో మార్క్ జుకర్బర్గ్ పై కూడా తీవ్ర ఆరోపణలు చేశారు. టెన్నెస్సీ రాష్ట్ర ప్రభుత్వం దాఖలు చేసిన వ్యాజ్యం ప్రకారం, ఇన్స్టాగ్రామ్లోని ఫీచర్లు టీనేజర్లు ఎక్కువసేపు యాప్లో గడిపేలా రూపొందించబడ్డాయి. దీని వల్ల యువతలో సోషల్ మీడియా వ్యసనం పెరగడమే కాకుండా, మానసిక ఆరోగ్య సమస్యలు కూడా తీవ్రతరమవుతున్నాయని ఆరోపించింది. ఈ అంశంపై వచ్చే వారంలో కోర్టులో కీలక విచారణ జరిగే అవకాశం ఉంది..
పిటిషన్లో మరో కీలక అంశం కూడా ప్రస్తావించారు. టీనేజర్లపై ఇన్స్టాగ్రామ్ ప్రభావం గురించి మెటా సంస్థ అంతర్గతంగా పరిశోధనలు నిర్వహించిందని, ఆ నివేదికల్లో యాప్ వల్ల కలిగే ప్రమాదాలను గుర్తించినప్పటికీ వాటిని బహిరంగంగా వెల్లడించలేదని టెన్నెస్సీ అటార్నీ జనరల్ జోనాథన్ స్క్రమెట్టి కార్యాలయం ఆరోపించింది. అంతేకాదు, ఈ పరిశోధనల వివరాలను పలువురు ఉద్యోగులు మార్క్ జుకర్బర్గ్ దృష్టికి తీసుకెళ్లినా, హానిని తగ్గించే చర్యలకు తగిన నిధులు కేటాయించలేదని కూడా దావాలో పేర్కొన్నారు. అలాగే ప్లాట్ఫారమ్లోని హానికరమైన కంటెంట్ పరిమాణంపై ప్రజలను తప్పుదోవ పట్టించే ప్రకటనలు చేశారని ఆరోపించారు.
Also Read
- Telangana Govt: కీలక నిర్ణయం తీసుకున్న తెలంగాణ ప్రభుత్వం.. గృహ నిర్మాణ పథకం లబ్ధిదారులకు ఊరట..
- The Muslim 500 List 2027: ప్రపంచంలో టాప్-500 ముస్లింల జాబితా.. షారూఖ్తో సహా భారత్ నుంచి 22 మంది!
- UP Congress-SP Alliance: 181 సీట్లు కోరుతున్న కాంగ్రెస్.. లీకైన జాబితాతో అఖిలేష్పై ఒత్తిడి!
- Fire Accident: చర్లపల్లి రైల్వే స్టేషన్లో అగ్నిప్రమాదం.. తగలబడిన బోగీలు..
ఈ కేసులో ఇన్స్టాగ్రామ్లోని ఆటోప్లే, రీల్స్, నోటిఫికేషన్లు వంటి ఫీచర్లు ప్రత్యేకంగా ప్రస్తావించబడ్డాయి. ఇవి వినియోగదారులు, ముఖ్యంగా టీనేజర్లు, ఎక్కువ సమయం యాప్లోనే గడిపేలా ప్రోత్సహిస్తున్నాయని టెన్నెస్సీ ప్రభుత్వం వాదిస్తోంది. అందువల్ల మెటాపై జరిమానా విధించడంతో పాటు, ఇన్స్టాగ్రామ్లో అవసరమైన మార్పులు చేయాలని కోర్టును కోరింది. అయితే ఈ ఆరోపణలను మెటా ఖండించింది. ఇన్స్టాగ్రామ్లో కనిపించే కంటెంట్లో ఎక్కువ భాగం వినియోగదారులే పోస్ట్ చేస్తారని, మూడో వ్యక్తులు పోస్ట్ చేసిన కంటెంట్కు సంబంధించి అమెరికా కమ్యూనికేషన్స్ డీసెన్సీ యాక్ట్లోని సెక్షన్ 230 ప్రకారం తమకు చట్టపరమైన రక్షణ ఉందని సంస్థ వాదిస్తోంది. ఈ కేసు ఫలితం సోషల్ మీడియా సంస్థలపై భవిష్యత్తులో మరింత కఠినమైన నిబంధనలు తీసుకురావడానికి దారితీసే అవకాశముందని నిపుణులు అభిప్రాయపడుతున్నారు. ముఖ్యంగా టీనేజర్ల ఆన్లైన్ భద్రత, మానసిక ఆరోగ్య పరిరక్షణపై ప్రపంచవ్యాప్తంగా జరుగుతున్న చర్చకు ఈ కేసు మరింత ప్రాధాన్యం తీసుకొచ్చింది..
తాజావార్తలు
-
OM Pre Release Event: ఇన్నాళ్లూ వచ్చిన సినిమాలు చేసుకుంటూ వెళ్లా, కానీ ఇప్పుడు రూట్ మార్చా.. శ్రీలీల ఓపెన్ కామెంట్స్!
-
Renu Desai: ‘ఓం’ ప్రీరిలీజ్ ఈవెంట్లో ధనుష్కు సారీ చెప్పిన రేణు దేశాయ్.. ఎందుకంటే?
-
Telangana Govt: కీలక నిర్ణయం తీసుకున్న తెలంగాణ ప్రభుత్వం.. గృహ నిర్మాణ పథకం లబ్ధిదారులకు ఊరట..
-
Janta Movie: మెగా హీరో ‘జంట’ సెన్సేషనల్ క్యాప్షన్ వెనుక అసలు కథ ఇదే!!
-
The Muslim 500 List 2027: ప్రపంచంలో టాప్-500 ముస్లింల జాబితా.. షారూఖ్తో సహా భారత్ నుంచి 22 మంది!
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!