Car Sales : అమ్మకాలు క్షీణించినా.. అత్యధికా కస్టమర్లను పొందిన టాప్ 10కంపెనీలు ఇవే !

Car Sales : మారుతీ సుజుకి కార్లు ఎప్పుడూ భారత మార్కెట్‌ను శాసిస్తున్నాయి. గత నెలలో మొత్తం 1,41,312 యూనిట్ల కార్లను విక్రయించడం ద్వారా కంపెనీ మరోసారి సరైనదని నిరూపించుకుంది. మళ్లీ కంపెనీ అగ్రస్థానాన్ని సాధించింది. సరిగ్గా ఒక సంవత్సరం క్రితం అంటే అక్టోబర్, 2024లో మారుతీ సుజుకి మొత్తం 1,59,591 కస్టమర్లను పొందింది. అయితే, ఈ కాలంలో మారుతి సుజుకి కార్ల విక్రయాలు వార్షిక ప్రాతిపదికన 11.45 శాతం మేర క్షీణించాయి. గత నెలలో కార్ల విక్రయాల్లో మారుతీ సుజుకి మాత్రమే 40.10 శాతం మార్కెట్‌ను ఆక్రమించింది.

టాప్-10 జాబితా
* మారుతి – 1,41,312
* హ్యుందాయ్ – 48,246
* టాటా – 47,063
* మహీంద్రా – 46,222
* టయోటా – 25,183
* కియా – 20,600
* MG – 6,019
* హోండా – 5005
* వోక్స్‌వ్యాగన్ – 3,003
* స్కోడా – 2,886

Read Also:Vijayasai Reddy Tweet on Pawan Kalyan: పవన్‌ కల్యాణ్‌పై విజయసాయిరెడ్డి ట్వీట్‌ వైరల్..

15శాతం మేర పడిపోయిన మహీంద్రా అమ్మకాలు
ఈ విక్రయాల జాబితాలో హ్యుందాయ్ రెండో స్థానంలో ఉంది. ఈ కాలంలో హ్యుందాయ్ 13.48 శాతం వార్షిక క్షీణతతో మొత్తం 48,246 యూనిట్ల కార్లను విక్రయించింది. కాగా, ఈ విక్రయాల జాబితాలో టాటా మోటార్స్ మూడో స్థానంలో ఉంది. ఈ కాలంలో టాటా మోటార్స్ 2.22 శాతం వార్షిక క్షీణతతో మొత్తం 47,063 కార్లను విక్రయించింది. కాగా ఈ విక్రయాల జాబితాలో మహీంద్రా నాల్గవ స్థానంలో ఉంది. ఈ కాలంలో మహీంద్రా 15.20 శాతం వార్షిక క్షీణతతో మొత్తం 46,022 యూనిట్ల కార్లను విక్రయించింది. ఈ విక్రయాల జాబితాలో టయోటా ఐదవ స్థానంలో ఉంది. ఈ కాలంలో టొయోటా వార్షికంగా 10.50 శాతం క్షీణతతో మొత్తం 25,183 యూనిట్ల కార్లను విక్రయించింది.

పదో స్థానంలో స్కోడా
ఈ విక్రయాల జాబితాలో కియా ఆరవ స్థానంలో ఉంది. కియా వార్షికంగా 9.46 శాతం క్షీణతతో మొత్తం 20,600 యూనిట్ల కార్లను విక్రయించింది. 14.56శాతం వార్షిక క్షీణతతో ఎంజీ మోటార్స్ 6,019 యూనిట్ల కార్లను విక్రయించడం ద్వారా ఏడో స్థానంలో కొనసాగుతోంది. హోండా 9.75 శాతం వార్షిక క్షీణతతో మొత్తం 5,005 యూనిట్ల కార్లను విక్రయించి ఎనిమిదో స్థానంలో కొనసాగుతోంది. ఇది కాకుండా, 31.97 శాతం వార్షిక క్షీణతతో 3,033 యూనిట్ల కార్లను విక్రయించి వోక్స్‌వ్యాగన్ తొమ్మిదో స్థానంలోనూ, 29.25 శాతం వార్షిక క్షీణతతో 2,886 యూనిట్ల కార్లను విక్రయించి స్కోడా పదో స్థానంలోనూ ఉంది.

Read Also:BJP MP K Laxma: తెలంగాణ తల్లిగా సోనియా గాంధీ విగ్రహం పెట్టట్లేదు కదా.. కేటీఆర్ పై లక్ష్మణ్ ఫైర్..