Viral Video: బైక్‌ ఎక్కలేదని మహిళను హెల్మెట్‌తో చితకబాదాడు.. వీడియో వైరల్

Man Hits Woman For Refusing To Ride With Him On His Bike : కొత్త సంవత్సరం వేళ ఢిల్లీలో ఓ యువతిని కారుతో దాదాపు 13 కిలోమీటర్ల మేర ఈడ్చుకెళ్లిన ఘటనను మరువక ముందే మరో భయంకరమైన ఘటన హర్యానాలో జరిగింది. తన ద్విచక్రవాహనం ఎక్కడానికి నిరాకరించినందుకు ఓ వ్యక్తి ఓ మహిళను హెల్మెట్‌తో దారుణంగా చితకబాదాడు. వారిద్దరి మధ్య కొంత వాగ్వాదం చోటుచేసుకుంది. దీనికి సంబంధించిన వీడియో స్థానికంగా ఉన్న సీసీ కెమెరాల్లో రికార్డు అయ్యింది. ఆ వీడియో సోషల్ మీడియాలో వైరల్‌గా మారింది. హర్యానాలో ఓ వ్యక్తి తన బైక్‌పై వెళ్లేందుకు నిరాకరించిన మహిళను హెల్మెట్‌తో కొట్టడం సీసీటీవీ రికార్డు అయినట్లు పోలీసులు తెలిపారు. తీవ్రంగా గాయపడిన మహిళను వెంటనే ఆస్పత్రికి తరలించారు.

తన బైక్‌పై ప్రయాణించడానికి నిరాకరించినందుకు కమల్ అనే వ్యక్తి తన పొరుగింట్లో నివసించే ఓ మహిళను హెల్మెట్‌తో కొట్టినట్లు గురుగ్రామ్ ఏసీపీ మనోజ్ వెల్లడించారు. సీసీటీవీ వీడియో ప్రకారం.. ఆటో వచ్చి గురుగ్రామ్‌లోని ఓ ప్రాంతంలో ఆగగా.. అందులో నుంచి ఓ మహిళ దిగింది. అదే సమయంలో ఓ బైక్ అటు నుంచి వచ్చింది. ఆ మహిళ, కమల్ కొంత సేపు మాట్లాడుకున్నారు. ఏం జరిగిందో తెలియదు గానీ ఆ బైక్ ను కొంత ముందుకు తీసుకెళ్లి పక్కన ఆపేసి హెల్మెట్ తీస్తూ మహిళ దగ్గరకు వచ్చాడు. క్షణాల్లోనే వారిద్దరి మధ్య తీవ్ర వాగ్వాదం మొదలు కాగా.. ఆగ్రహంతో కమల్‌ తన హెల్మెట్‌ తీసి దారుణంగా మహిళపై దాడికి పాల్పడ్డాడు. కోపంతో చితకబాదాడు. దీంతో చుట్టుపక్కల వారు, ఆటోడ్రైవర్ కలగజేసుకుని అతికష్టం మీద అతడిని అదుపు చేశారు.

Man Vandalises Temples: మొక్కినా కోరిక నెరవేరలేదని..! దేవుడినే టార్గెట్‌ చేశాడుగా..

ఈ వీడియోను బట్టి వారిద్దరికి ఇంతకు ముందే పరిచయం ఉన్నట్లు తెలుస్తోంది. కానీ వారి గొడవకు కారణం ఏంటన్నది తెలియరాలేదు. ఐపీసీలోని పలు సెక్షన్ల కింద ఎఫ్‌ఐఆర్‌ నమోదు చేసి విచారణ జరుపుతున్నట్లు ఏసీపీ మనోజ్‌ తెలిపారు. హర్యానాలోని యమునానగర్‌లో ఇటీవల ఓ మహిళ కిడ్నాప్ ప్రయత్నం నుంచి తృటిలో తప్పించుకున్న కొన్ని రోజుల తర్వాత ఈ ఘటన జరిగింది. ఈ ఘటన కూడా సమీపంలోని సీసీటీవీ కెమెరాలో కూడా రికార్డైంది. మహిళ కేకలు వేసి పోరాడడంతో నలుగురు వ్యక్తులు తమ కిడ్నాప్ ప్రయత్నాన్ని విరమించుకుని పారిపోయారు.

#WATCH | Haryana: CCTV footage of a man named Kamal hitting a woman with his helmet after she refused to ride on his bike. pic.twitter.com/Az3MWRKKWo

— ANI (@ANI) January 6, 2023