Uttarpradesh : క్రికెట్ మ్యాచ్‌లో గొడవ.. ముగ్గురు కలిసి రాయితో మోది ఒకరి హత్య
- Follow Us :
-
-
Add as a preferred
source on google
Uttarpradesh : ఉత్తరప్రదేశ్‌లోని గ్రేటర్ నోయిడాలో ఓ చిన్నవిషయానికి గొడవపడి 24 ఏళ్ల యువకుడిని రాయితో కొట్టి చంపారు. ఆదివారం నోయిడా ఎక్స్‌టెన్షన్‌లోని చిపియానా గ్రామం సమీపంలో కొందరు వ్యక్తులు క్రికెట్ ఆడటానికి వెళ్లారు. మ్యాచ్ ఆడుతుండగా వారి మధ్య ఏదో విషయమై వాగ్వాదం జరిగింది. దీంతో నిందితులు 24 ఏళ్ల సుమిత్‌ను హత్య చేశారు. సుమిత్ కుటుంబ సభ్యులు ముగ్గురిపై ఎఫ్ఐఆర్ దాఖలు చేశారు. పోలీసులు సంఘటనా స్థలానికి చేరుకుని హత్యకు గల అసలు కారణాన్ని తెలుసుకునే ప్రయత్నం చేశారు. మ్యాచ్ వివాదంలో ఘర్షణ కారణంగా హత్య కేసుగా గుర్తించారు. ఈ మ్యాచ్ ఆడుతున్న సమయంలో మృతి చెందిన సుమిత్‌కు, మరికొంతమందికి మధ్య ఏదో విషయమై వాగ్వాదం జరిగిందని సీనియర్ పోలీసు అధికారి ఒకరు తెలిపారు. ఆ తర్వాత వారు సుమిత్ తలపై రాళ్లతో కొట్టడం కొనసాగించారు.
Read Also:Vishwambhara: విశ్వంభర షూట్ లో జాయినైన త్రిష…
మధ్యాహ్నం చిపియానా గ్రామ సమీపంలో జరిగిన క్రికెట్ మ్యాచ్ సందర్భంగా జరిగిన గొడవపై బిస్రఖ్ పోలీస్ స్టేషన్ అధికారులు అప్రమత్తమయ్యారని డిప్యూటీ కమిషనర్ ఆఫ్ పోలీస్ హిర్దేష్ కతేరియా తెలిపారు. తమకు అందిన సమాచారం మేరకు దాడికి పాల్పడిన వారి నుంచి తప్పించుకునేందుకు సుమిత్ ప్రయత్నించాడు. ఆ తర్వాత కూడా నిందితులు అతడిని వదలకుండా ముగ్గురూ మళ్లీ అతడిపై దాడి చేసి తలపై రాళ్లు రువ్వడం ప్రారంభించారు. దీంతో అతను డ్రైనేజీలో పడిపోయాడని డిప్యూటీ కమిషనర్ ఆఫ్ పోలీస్ తెలిపారు. దీంతో అతను అక్కడికక్కడే మృతి చెందాడు. మృతదేహాన్ని పోస్టుమార్టం నిమిత్తం తరలించినట్లు పోలీసులు తెలిపారు. సుమిత్ కుటుంబసభ్యుల నుంచి ఫిర్యాదు అందిందని, తదుపరి విచారణ కొనసాగుతోందని అధికారి తెలిపారు. ప్రధాన నిందితుడు హిమాన్షుతో పాటు మరో ఇద్దరిపై బిస్రఖ్ పోలీస్ స్టేషన్‌లో ఎఫ్ఐఆర్ నమోదు చేశామని, మృతదేహాన్ని పోస్టుమార్టం కోసం తరలించామని పోలీసులు తెలిపారు.
Read Also:IND vs ENG: 45 ఏళ్ల రికార్డు బద్దలు.. దిగ్గ‌జాల‌ను అధిగ‌మించిన ర‌విచంద్ర‌న్ అశ్విన్!