హైదరాబాద్ పాతబస్తీ లో ఆది, సోమవారాల్లో బోనాల వేడుకలు సజావుగా నిర్వహించేందుకు సౌత్ జోన్ పోలీసులు పటిష్ట బందోబస్తు ఏర్పాటు చేశారు. రెండు రోజులూ సౌత్ జోన్లోనే దాదాపు 2వేల మంది పోలీసులతో బందోబస్తు ఏర్పాటు చేయనున్నారు. చార్మినార్ పోలీస్ స్టేషన్ నుంచి సీనియర్ పోలీసు అధికారులు విధులను పర్యవేక్షిస్తారు. ఆదివారం ఉదయం నుంచి లాల్ దర్వాజలోని ప్రసిద్ధ సింహవాహిని మహంకాళి ఆలయం, అక్కన్న మాదన్న ఆలయంతో పాటు ఆలయాల్లో ప్రత్యేక పూజలు నిర్వహించనున్నారు. వేలాది మంది భక్తులు ప్రార్థనల కోసం ఆలయాన్ని సందర్శించి, దేవుడికి ‘బోనం’ సమర్పించాలని భావిస్తున్నారు. కోవిడ్ ఆంక్షల కారణంగా గత రెండేళ్లుగా పెద్దగా ఉత్సవాలు జరగనందున, పండుగ సందర్భంగా ఆలయాలు ముస్తాబయ్యాయి.
Also Read : Gangula Kamalakar : కులవృత్తులకు జీవం పొసేందుకే బీసీలకు లక్ష సాయం
జూలై 16న అమ్మవారికి బోనాల సమర్పించనుండగా.. సోమవారం జులై 17న ఘటాల ఊరేగింపు, తొట్టెల జాతర, పలారం బండ్ల ఊరేగింపు జరగనుంది. అదే రోజున రంగం కూడా ఉంటుంది. భవిష్యవాణి వినేందుకు, ఘటాల ఊరేగింపును చూసేందుకు వేలాది మంది జనం తరలిరానున్నారు. ఈ నేపథ్యంలో ఎలాంటి అవాంఛనీయ ఘటనలు జరగకుండా పోలీసులు కట్టుదిట్టమైన భద్రతా ఏర్పాట్లు చేశారు. అణువణువూ పరిశీలించేందుకు సీసీ కెమెరాలు ఏర్పాటు చేశారు.
Also Read : Anasuya : నా ప్రమేయం లేకుండా ఒక్క డిస్కషన్ కూడా జరగట్లేదు. నా పై ఇంత డిపెండెంట్ గా వున్నారా..
