Kiara Advani : కియారా కెరీర్లో టర్నింగ్ పాయింట్ కానున్న ఆ మూడు సినిమాలు

Kiara Advani : కియారా అద్వానీ గురించి ప్రత్యేకంగా చెప్పాల్సిన పనిలేదు. బాలీవుడ్ లో మొన్నటిదాకా సూపర్ ఫామ్ కొనసాగించిన ఈ భామ.. తెలుగు ప్రేక్షకులకు కూడా సుపరిచితురాలే. ఇటీవల పెళ్లి చేసుకున్న ఈ ముద్దుగుమ్మ ఆఫ్టర్ మ్యారేజ్ కాస్త దూకుడు తగ్గించిందని చెప్పొచ్చు. లాస్ట్ ఇయర్ కూడా అమ్మడు కేవలం ఒక్క సినిమా మాత్రమే చేసింది. ఈ ఇయర్ అయితే ఒక్క సినిమా కూడా అమ్మడిది రిలీజ్ కాలేదు. గేమ్ చేంజర్ ఈ సంవత్సరం వస్తుందని అనుకున్నారు. కానీ అది కూడా 2025 సంక్రాంతికి వాయిదా పడింది. ఐతే తర్వాత మాత్రం కియరా కెరీర్ కి మాంచి కిక్ ఇచ్చే సినిమాలే ఉన్నాయని చెప్పొచ్చు. రామ్ చరణ్ తో గేమ్ ఛేంజర్ సినిమా చేస్తున్న కియరా మొదటి సారి కలిసి చేసిన సినిమాతో డిజాస్టర్ అందుకున్నా.. ఈసారి అన్నీ పక్కా కాలిక్యులేషన్స్ తో వస్తున్న సినిమా కాబట్టి అంచనాలు భారీగానే ఉన్నాయి. బిగ్గెస్ట్ డైరెక్టర్ శంకర్ డైరెక్షన్ లో తెరకెక్కుతున్న గేమ్ ఛేంజర్ సినిమా విషయంలో కియరా చాలా హోప్స్ పెట్టుకుంది. మరోపక్క అమ్మడు ఈ సినిమాతో పాటు మోస్ట్ అవైటెడ్ మూవీ వార్ 2 లో కూడా నటిస్తుంది.

Read Also:CM Revanth Reddy: రాజన్న సిరిసిల్ల జిల్లాపై సీఎం వరాల జల్లు.. ఏకంగా రూ. 694.50 కోట్లతో..

ఎన్టీఆర్ హృతిక్ రోషన్ కలిసి నటిస్తున్న వార్ 2 లో కియరా అవకాశం దక్కించుకుంది. ఈ సినిమాతో బాలీవుడ్ లోనే కాదు టాలీవుడ్, కోలీవుడ్ లో కూడా అమ్మడు క్రేజ్ తెచ్చుకోనుంది. ఈ రెండు సినిమాలే కాకుండా కె.జి.ఎఫ్ ఫేమ్ యష్ చేస్తున్న టాక్సిక్ లో కూడా అమ్మడు ఓకే అయింది. కియరా రాబోతున్న సినిమాలు చూస్తే ఒకదానికి మించి మరొకటి అన్నట్లుగా.. పెళ్లి తర్వాత అమ్మడు పట్టిందల్లా బంగారం అయినట్లు ఉంది. ఈ సినిమాల్లో ఏది కూడా అసలు తీసి పారేయడానికి లేదు. మూడు సినిమాలు మూడు కూడా భారీ హైప్ తో భారీ టార్గెట్ ఉన్నవే. అంతేకాదు గేమ్ ఛేంజర్ తో పాటుగా వార్ 2, టాక్సిక్ ఈ రెండు సినిమాలు కూడా 2025లో రిలీజ్ కాబోతున్నాయి. సో నెక్స్ట్ ఇయర్ పాన్ ఇండియా మొత్తం కియరా పేరు మార్మోగిపోనుందని చెప్పొచ్చు. అందం అభినయం రెండింటితో అదరగొట్టేస్తున్న కియరా రాబోతున్న సినిమాలతో నేషనల్ లెవెల్ లో సత్తా చాటనుందని చెప్పొచ్చు. కచ్చితంగా ఈ సినిమాలు కియరా కెరీర్ కి మాంచి కిక్ ఇచ్చేలా ఉంటాయని ఫిక్స్ అవ్వొచ్చు.

Read Also:Pushpa 2 : తమన్ బ్యాగ్రౌండ్ మ్యూజిక్ పట్ల సుకుమార్ సంతృప్తిగా లేడా..?