Kajal Aggarwal on South Industry: సుమన్ చిక్కాల దర్శకత్వంలో కాజల్ అగర్వాల్ ప్రధాన పాత్రలో తెరకెక్కిన సినిమా ‘సత్యభామ’. బాబీ తిక్క, శ్రీనివాసరావు తక్కలపల్లి సంయుక్తంగా నిర్మించగా.. శశికిరణ్ తిక్క సమర్పిస్తున్నారు. ఇందులో నవీన్చంద్ర, ప్రకాష్ రాజ్, నాగినీడు, హర్షవర్ధన్, రవివర్మ, అమరేందర్ కీలక పాత్రలు పోషించారు. సత్యభామ చిత్రం జాన్ 7న ప్రేక్షకుల ముందుకురానుంది. ఈ నేపథ్యంలోనే ఓ ఇంటర్వ్యూలో దక్షిణాది చిత్ర పరిశ్రమపై కాజల్ సంచలన వ్యాఖ్యలు చేశారు.
హిందీలో మాదిరి దక్షిణాదిలో పెళ్లయిన హీరోయిన్స్కు అవకాశాలు ఇవ్వరని కాజల్ అగర్వాల్ అన్నారు. బాలీవుడ్, దక్షిణాది ఇండస్ట్రీకి మధ్య చాలా తేడా ఉందన్నారు. ‘హిందీ, దక్షిణాది ఇండస్ట్రీ మధ్య చాలా తేడా ఉంటుంది. దక్షిణాదిలో పెళ్లయిన హీరోయిన్స్కు అవకాశాలు తక్కువ. బాగా లేరని పక్కన పెట్టేస్తారు. అదే హిందీలో పెళ్లయినా అవకాశాలు వస్తుంటాయి. షర్మిళా ఠాకుర్, హేమమాలిని మొదలుకొని.. ఐశ్వర్య రాయ్, దీపికా పదుకొణె, ఆలియా భట్, కియారా అద్వానీ లాంటి వాళ్లకు హీరోయిన్లుగా అవకాశాలు వస్తున్నాయి. కానీ దక్షిణాదిలో ఆ పరిస్థితి లేదు. నయనతార ఇందుకు అతీతం. దక్షిణాదిలో ఉన్న ఈ పరిస్థితిని త్వరలో మారుద్దాం’ అని కాజల్ పేర్కొన్నారు.
Also Read: Hesham Abdul Wahab: మనమే చిత్రంలో 16 పాటలు ఉంటాయి.. ప్రాణం పెట్టి వర్క్ చేశా!
ఇలియానా, తాప్సీ, పూజా హెగ్డే.. ఇలా చాలామంది హీరోయిన్స్ బాలీవుడ్ వెళ్లక దక్షిణాది ఇండస్ట్రీపై కామెంట్స్ చేశారు. తాజాగా ఆ జాబితాలో కాజల్ చేరారు. లక్ష్మీ కల్యాణం మూవీతో కాజల్ హీరోయిన్గా ఎంట్రీ ఇచ్చారు. మగధీరతో స్టార్ హీరోయిన్ అయ్యారు. ఆర్య 2, డార్లింగ్, బాద్షా, బృదావనం, మిస్టర్ పర్ఫెక్ట్, నాయక్, టెంపర్, బిజినెస్ మ్యాన్ లాంటి హిట్ సినిమాల్లో నటించారు. తెలుగులో స్టార్ హీరోలు అందరితో కాజల్ నటించారు.
