Prajawal Revanna : బెంగుళూరు చేరుకున్న ఎంపీ ప్రజ్వల్ రేవణ్ణ అరెస్ట్ .. నేడు కోర్టులో హాజరు

Prajawal Revanna : జనతాదళ్ (సెక్యులర్) ఎంపీ ప్రజ్వల్ రేవణ్ణ పలువురు మహిళలపై లైంగిక వేధింపులకు పాల్పడ్డారని ఆరోపిస్తూ ఈరోజు తెల్లవారుజామున బెంగళూరు చేరుకున్న తర్వాత అరెస్ట్ చేశారు. జర్మనీ నుంచి వచ్చిన తర్వాత ప్రజ్వల్‌ను కెంపేగౌడ అంతర్జాతీయ విమానాశ్రయంలో సిట్ అరెస్టు చేసి విచారణ నిమిత్తం సిఐడి కార్యాలయానికి తరలించారు. అంతకుముందు బుధవారం స్థానిక కోర్టు ఆయన ముందస్తు బెయిల్‌ను తిరస్కరించింది. మాజీ ప్రధాని హెచ్‌డి దేవెగౌడ మనవడు , హాసన్ లోక్‌సభ నియోజకవర్గం నుండి ఎన్‌డిఎ అభ్యర్థి ప్రజ్వల్ రేవణ్ణ మహిళలపై లైంగిక వేధింపులకు పాల్పడినట్లు ఆరోపణలు వచ్చాయి. ప్రజ్వల్ రేవణ్ణ తన నియోజకవర్గంలో లోక్‌సభ ఎన్నికలకు ఓటు వేసిన మరుసటి రోజు ఏప్రిల్ 27న విదేశాలకు వెళ్లారు.

Read Also:Laxmi Bai: మాజీ కేంద్ర మంత్రి శివ శంకర్‌ భార్య కన్నుమూత

నేడు కోర్టులో హాజరు
అరెస్టు చేసిన 24 గంటల్లో ప్రజ్వల్ రేవణ్ణను సిట్ కోర్టులో హాజరుపరిచి రిమాండ్ కోరుతుందని, ప్రజ్వల్ రేవణ్ణ దేశానికి తిరిగి రాకపోతే పాస్‌పోర్టును రద్దు చేయడం వంటి చర్యలు తీసుకుంటామని కర్ణాటక ప్రభుత్వం ప్రకటించిన సంగతి తెలిసిందే. ప్రజ్వల్ వీడియో స్టేట్‌మెంట్‌ను విడుదల చేసి, తనపై కేసులను విచారిస్తున్న ప్రత్యేక దర్యాప్తు బృందం (సిట్) ముందు మే 31న అంటే ఈ రోజు హాజరవుతానని హామీ ఇచ్చారు. ప్రజ్వల్ లుఫ్తాన్సా మ్యూనిచ్-బెంగళూరు విమానంలో బిజినెస్ క్లాస్ టిక్కెట్‌ను బుక్ చేసుకున్నాడు.

Read Also:Rajkot fire: గేమింగ్ జోన్ ప్రమాదంలో నలుగురు అధికారుల అరెస్ట్

పెండింగ్ లో ముందస్తు బెయిల్ పిటిషన్
ప్రజ్వల్ తిరిగి రాగానే అరెస్ట్ చేసి చట్టపరమైన ప్రక్రియను ప్రారంభిస్తామని రాష్ట్ర హోంమంత్రి జి పరమేశ్వర తెలిపారు. ప్రజ్వల్ రేవణ్ణ ముందస్తు బెయిల్ పిటిషన్ నగరంలోని ప్రత్యేక కోర్టులో పెండింగ్‌లో ఉందని, అది ఈరోజు విచారణకు వచ్చే అవకాశం ఉంది. ప్రజ్వల్ వస్తాడని, విమానం టికెట్ బుక్ చేసుకున్నాడని సమాచారం అని పరమేశ్వర్ చెప్పారు. సిట్ అవసరమైన సన్నాహాలు చేసింది. ఆయన వస్తే న్యాయ ప్రక్రియ మొదలవుతుంది. చట్టప్రకారం అతడిపై వారెంట్‌ జారీ చేశామని, అందుకే అరెస్టు చేయాల్సి ఉంటుందన్నారు. దీనిపై సిట్ నిర్ణయం తీసుకోనుంది. మే 31 (నేడు) ఉదయం 10 గంటలకు సిట్ ఎదుట హాజరుకానున్నట్లు ప్రజ్వల్ తన వీడియోలో చెప్పినట్లు ఆయన తెలిపారు.