Japan : జపాన్ జననాల రేటులో మళ్లీ భారీ క్షీణత.. గత ఎనిమిదేళ్ల రికార్డు బద్దలు

Japan : జపాన్‌లో జననాల సంఖ్య మళ్లీ తగ్గింది. మంగళవారం జపాన్ ప్రభుత్వం విడుదల చేసిన నివేదికలో 2023 సంవత్సరానికి జనన రేటు వెల్లడైంది. జనన రేటు సంఖ్య మరింత తగ్గింది. గత ఎనిమిదేళ్లలో ఇప్పటివరకు ఇదే అత్యల్ప సంఖ్య. జనాభాకు సంబంధించి జపాన్ ప్రభుత్వం సమస్యలు మరింత పెరిగాయి. గతేడాదితో పోలిస్తే 2023లో జననాల సంఖ్య 5.1 శాతం తగ్గి 7 లక్షల 58 వేల 631కి చేరుకుంది. దీంతో పాటు ప్రజల్లో పెళ్లిళ్ల సంఖ్య కూడా తగ్గుముఖం పట్టింది. వివాహాల సంఖ్య 5.9శాతం తగ్గి 4 లక్షల 89 వేల 281కి చేరుకుంది. గత 90 ఏళ్లలో తొలిసారిగా వివాహాల సంఖ్య 5 లక్షల కంటే తక్కువకు పడిపోయింది.

Read Also:Road Accident: సూర్యాపేటలో ఘోర రోడ్డు ప్రమాదం.. ఆటోను ఢీకొట్టిన బస్సు.. ముగ్గురు మృతి

వేగంగా పడిపోతున్న ఈ గణాంకాలపై జపాన్ ప్రభుత్వం జనాభా పెరుగుదలకు ముఖ్యమైన చర్యలు తీసుకుంటుందని ప్రభుత్వ ప్రతినిధి చెప్పారు. పిల్లల సంరక్షణకు ప్రభుత్వం కృషి చేస్తుందన్నారు. దీనితో పాటు యువ కార్మికుల జీతాలు కూడా పెరగనున్నాయి. జపాన్ క్యాబినెట్ మంత్రి యోషిమాసా హయాషి మాట్లాడుతూ జనన రేటు తగ్గుదల సమస్య చాలా తీవ్రమైనదని అన్నారు. 2030 నాటికి యువత సంఖ్య పెరగకపోతే ఈ సంఖ్యను మార్చడం అసాధ్యం. ప్రస్తుతం జననాల రేటు మన దేశంలో అత్యంత తీవ్రమైన సంక్షోభమని ప్రధాన మంత్రి ఫుమియో కిషిడా అన్నారు. గత సంవత్సరం చివరలో పిల్లలను కలిగి ఉన్న కుటుంబాల కోసం ప్రధాన మంత్రి అనేక ప్రధాన చర్యలను ప్రకటించారు. ప్రస్తుత డేటా ప్రకారం, నేషనల్ ఇన్‌స్టిట్యూట్ ఆఫ్ పాపులేషన్ అండ్ సోషల్ సెక్యూరిటీ రీసెర్చ్ 2070లో ఈ సంఖ్య మరింతగా 30శాతం తగ్గుతుందని అంచనా వేసింది. అప్పుడు జపాన్ జనాభా 87 మిలియన్లకు పడిపోతుంది.

Read Also:Mobile Brands: భారతీయ మార్కెట్‌లో స్మార్ట్‌ఫోన్ బ్రాండ్‌లు వాటా ..