Jana Nayagan: ఆ రెండు డేట్స్ లోనే ‘జన నాయగన్’.?

Jana Nayagan: దళపతి విజయ్ నటిస్తున్న మోస్ట్ అవేటెడ్ పొలిటికల్ యాక్షన్ థ్రిల్లర్ ‘జన నాయగన్’ విడుదలకు ఎట్టకేలకు మోక్షం లభించేలా కనిపిస్తోంది. గత కొంతకాలంగా ఎదురుచూస్తున్న ఈ సినిమా రిలీజ్ డేట్‌ను లాక్ చేసేందుకు చిత్ర యూనిట్ ముమ్మర ప్రయత్నాలు చేస్తోంది. తాజా సమాచారం ప్రకారం, మేకర్స్ రెండు డేట్లను పరిశీలిస్తున్నట్లు తెలుస్తోంది. సినిమా యూనిట్ జూలై 23 లేదా జూలై 30 తేదీలలో ఒక రోజున ఈ సినిమాను థియేటర్లలోకి తీసుకురావాలని భావిస్తోంది. ఈ రెండు తేదీలలో ఏది ఫైనల్ చేయాలనే విషయంపై రేపు (ఆదివారం) డిస్ట్రిబ్యూటర్లతో విజయ్ ఒక కీలక సమావేశం నిర్వహించనున్నారు. ఈ డిస్కషన్ ముగిసిన వెంటనే సినిమా రిలీజ్ డేట్‌పై ఒక అధికారిక ప్రకటన వెలువడే అవకాశం ఉంది.

ప్రారంభం నుండి ‘జన నాయగన్’ చిత్రానికి అనేక సమస్యలు ఎదురయ్యాయి. సెన్సార్ పరమైన సమస్యలు మరియు ఇతర కారణాల వల్ల ఈ సినిమా పలుమార్లు వాయిదా పడుతూ వచ్చింది. దీనివల్ల థియేట్రికల్ రిలీజ్‌పై అభిమానుల్లో తీవ్ర అనిశ్చితి నెలకొంది. కేవలం వాయిదాలే కాకుండా, ప్రొడక్షన్ సమయంలో సినిమాకు సంబంధించిన కొన్ని కీలక కంటెంట్ లీక్ అవ్వడం కూడా చిత్ర యూనిట్‌కు పెద్ద తలనొప్పిగా మారింది. ఇన్ని అడ్డంకులు, ఎదురుదెబ్బలు తగిలినప్పటికీ, మేకర్స్ ఎక్కడా తగ్గకుండా అవుట్‌పుట్‌ను పక్కాగా సిద్ధం చేసి ప్రేక్షకులకు అందించేందుకు కష్టపడుతున్నారు. ఎలాగైనా ఈ నెలలోనే థియేటర్లలో సందడి చేసేందుకు డేట్ లాక్ కానుండటంతో, విజయ్ అభిమానులు అధికారిక అనౌన్స్‌మెంట్ కోసం ఎంతో ఆత్రుతగా ఎదురుచూస్తున్నారు.