Vijay Hazare Trophy: ఇషాన్ కిషన్ నయా హిస్టరీ.. 33 బంతుల్లోనే సెంచరీ.. వైభవ్ సూర్యవంశీ రికార్డు బ్రేక్

బుధవారం విజయ్ హజారే ట్రోఫీలో జార్ఖండ్ కెప్టెన్ ఇషాన్ కిషన్ అద్భుతమైన సెంచరీ సాధించి నయా హిస్టరీ క్రియేట్ చేశాడు. అహ్మదాబాద్‌లోని నరేంద్ర మోడీ స్టేడియంలో కర్ణాటకతో జరిగిన మ్యాచ్‌లో కిషన్ కేవలం 33 బంతుల్లోనే సెంచరీ సాధించాడు. విజయ్ హజారే ట్రోఫీలో అత్యంత వేగంగా సెంచరీ చేసిన రెండవ బ్యాట్స్‌మన్‌గా కిషన్ నిలిచాడు. విజయ్ హజారే ట్రోఫీ చరిత్రలో అత్యంత వేగవంతమైన సెంచరీ రికార్డు బీహార్‌కు చెందిన సకిబుల్ గని పేరిట ఉంది, కిషన్ బుధవారం అరుణాచల్ ప్రదేశ్‌తో జరిగిన మ్యాచ్‌లో కేవలం 33 బంతుల్లోనే సెంచరీ సాధించాడు. అయితే, అరుణాచల్ ప్రదేశ్‌పై 36 బంతుల్లో సెంచరీ చేసిన బీహార్ ఓపెనర్ వైభవ్ సూర్యవంశీ రికార్డును ఇషాన్ కిషన్ బద్దలు కొట్టాడు. ఈ రికార్డును కిషన్ అధిగమించాడు.

Also Read:Mumbai: ముంబై మున్సిపల్ ఎన్నికల కోసం చేతులు కలిపిన థాక్రే బ్రదర్స్.. హస్తం పార్టీ అసంతృప్తి!

ఇషాన్ కిషన్ ఇన్నింగ్స్ కు సోషల్ మీడియాలో ప్రశంసలు వెల్లువెత్తాయి. ఈ ప్రశంస అతని రికార్డుకు కాదు, మిడిల్ ఆర్డర్ నుంచి సెంచరీ చేసినందుకు. కిషన్ జార్ఖండ్ తరఫున 6వ స్థానంలో నిలిచి అద్భుతమైన ఫామ్ ను ప్రదర్శించాడు. 27 ఏళ్ల ఇషాన్ కిషన్ కర్ణాటకపై 39 బంతుల్లో ఏడు ఫోర్లు, 14 సిక్సర్లతో 125 పరుగులు చేశాడు. స్ట్రైక్ రేట్ 320.15. టీ20 ప్రపంచ కప్ కోసం ఇషాన్ కిషన్ భారత జట్టులోకి ఎంపికయ్యాడు. మిడిల్ ఆర్డర్ కు కిషన్ బెస్ట్ ఆప్షన్ అని అభిమానులు విశ్వసిస్తున్నారు.

Also Read:Realme Pad 3: 12,200mAh బ్యాటరీ, 256GB స్టోరేజ్ తో.. రియల్‌మీ ప్యాడ్ 3 టాబ్లెట్ వచ్చేస్తోంది

జార్ఖండ్, కర్ణాటక మధ్య గ్రూప్ A మ్యాచ్ అహ్మదాబాద్‌లో జరుగుతోంది. టాస్ గెలిచిన కర్ణాటక మొదట బౌలింగ్ ఎంచుకుంది. కెప్టెన్ ఇషాన్ కిషన్ (125), కుమార్ కుషాగ్ర (63), విరాట్ సింగ్ (88) ఇన్నింగ్స్‌ తో రాణించారు. జార్ఖండ్ 50 ఓవర్లలో 9 వికెట్ల నష్టానికి 412 పరుగులు చేసింది. ఇషాన్ కిషన్ ప్రస్తుతం అద్భుతమైన ఫామ్‌లో ఉన్నాడు. ఇటీవల సయ్యద్ ముష్తాక్ అలీ ట్రోఫీ ఫైనల్‌లో సెంచరీ చేశాడు. హర్యానాతో జరిగిన మ్యాచ్‌లో కిషన్ 49 బంతులు ఎదుర్కొని 10 సిక్సర్లు, ఆరు ఫోర్లతో 101 పరుగులు చేశాడు. SMAT ఫైనల్‌లో సెంచరీ చేసిన తొలి కెప్టెన్‌గా నిలిచాడు. ఈ మ్యాచ్‌లో జార్ఖండ్ 69 పరుగుల తేడాతో విజయం సాధించింది.