IRCTC : భక్తులకు గుడ్‌ న్యూస్‌.. తిరుపతికి ఐఆర్‌సీటీసీ ప్రత్యేక ప్యాకేజీలు

వేసవి సెలవుల దృష్ట్యా తిరుమల పర్యటనకు ప్లాన్ చేస్తున్నారా? అయితే.. ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC) మీకు ఓ శుభవార్త చెప్పింది. హైదరాబాద్ నుండి తిరుపతికి ప్రత్యేక టూరిజం ప్యాకేజీని ప్లాన్ చేసింది ఐఆర్‌సీటీసీ. ఈ ప్యాకేజీని గోవిందం తిరుపతి ప్యాకేజీ అంటారు. ప్రత్యేక ప్రవేశ దర్శనం టిక్కెట్‌తో హైదరాబాద్ నుండి తిరుమలకు 2 రాత్రులు మరియు 3 పగళ్లు టూర్ ప్యాకేజీ. ప్రత్యేక ప్రవేశ దర్శనం టిక్కెట్‌తో పాటు, ప్యాకేజీలో శ్రీ పద్మావతి ఆలయ దర్శనం కూడా ఉంది. ఈ IRCTC ప్యాకేజీ ధర ట్రిపుల్, డబుల్ షేరింగ్‌కు రూ. 3,800 కాగా, సింగిల్ షేరింగ్‌కు రూ. 4,950గా పెట్టారు. కంఫర్ట్ ప్యాకేజీల కోసం, ట్రిపుల్, డబుల్ షేరింగ్ రూ. 5,660, సింగిల్ షేరింగ్ రూ. 6,790లుగా వెల్లడించారు.

Also Read : Sharad Pawar: తన రాజీనామాను ఉపసంహరించుకున్న శరద్ పవార్

రోజు 1: రైలు నం. 12734 లింగంపల్లి నుండి సాయంత్రం 5:25 గంటలకు, సికింద్రాబాద్ నుండి 8:10 గంటలకు, నల్గొండ నుండి రాత్రి 9:38 గంటలకు బయలుదేరుతుంది.

రెండవ రోజు: పర్యాటకులు ఉదయం 5:55 గంటలకు తిరుపతి చేరుకుంటారు, ఫ్రెష్ అప్ మరియు అల్పాహారం తర్వాత, పర్యాటకులు ప్రత్యేక ప్రవేశ దర్శనం కోసం 9:00 గంటలకు తిరుమలకు బయలుదేరుతారు. హోటల్‌లో భోజనం చేసిన తర్వాత సమయం దొరికితే తిరుచానూరులో పద్మావతి దర్శనం ఉంటుంది. తరువాత, పర్యాటకులను తిరుమల రైల్వే స్టేషన్‌లో దింపుతారు మరియు రైలు నంబర్ 12733ని సాయంత్రం 6:25 గంటలకు ఎక్కాలి.

3వ రోజు: రైలు నల్గొండకు తెల్లవారుజామున 3:04 గంటలకు, సికింద్రాబాద్‌కు 5:35 గంటలకు, లింగంపల్లికి ఉదయం 6:55 గంటలకు చేరుకుంటుంది.