Ind Vs NZ: కివీస్ గడ్డపై టీమిండియా దండయాత్ర.. భారత్ అద్భుత విజయం.. 3-0తో సిరీస్ కైవసం..

న్యూజిలాండ్ వేదికగా జరిగిన మూడో టి20 మ్యాచ్‌లో భారత క్రికెట్ జట్టు అద్భుత ప్రదర్శనతో 6 వికెట్ల తేడాతో ఘనవిజయం సాధించింది. వెల్లింగ్టన్‌లోని హెన్రీ స్టేడియంలో జరిగిన ఈ పోరులో మొదట బ్యాటింగ్ చేసిన న్యూజిలాండ్ జట్టు నిర్దేశించిన లక్ష్యాన్ని భారత్ ఎంతో సునాయసంగా, కేవలం 13.2 ఓవర్లలోనే 4 వికెట్లు కోల్పోయి 199 పరుగులు చేసి చేధించింది. టీమిండియా ఓపెనర్లు ఆరంభం నుంచే కివీస్ బౌలర్లపై విరుచుకుపడుతూ మ్యాచ్‌ను పూర్తిగా ఏకపక్షంగా మార్చేశారు.

ఈ విజయంలో భారత యువ ఓపెనర్ అభిషేక్ శర్మ సంచలన ఇన్నింగ్స్ ప్రధాన ఆకర్షణగా నిలిచింది. అభిషేక్ కేవలం 38 బంతుల్లో 9 ఫోర్లు, 11 సిక్సర్లతో 297.37 స్ట్రైక్ రేట్‌తో 113 పరుగులు చేసి విధ్వంసం సృష్టించాడు. ప్రత్యర్థి బౌలర్లకు ఏమాత్రం అవకాశం ఇవ్వకుండా మైదానం నలుమూలలా బౌండరీల వర్షం కురిపించిన అతను, గ్లెన్ ఫిలిప్స్ క్యాచ్ పట్టడంతో కైల్ జేమీసన్ బౌలింగ్‌లో అవుట్ అయ్యాడు. అతనికి తోడుగా మరొక ఓపెనర్ వైభవ్ సూర్యవంశీ కేవలం 19 బంతుల్లో 4 ఫోర్లు, 4 సిక్సర్లతో 45 పరుగులు చేసి పవర్‌ఫుల్ స్టార్ట్ అందించాడు. వీరిద్దరి వేగవంతమైన భాగస్వామ్యంతో భారత విజయం సులువైంది.

వన్ డౌన్ లో వచ్చిన శాంసన్ 13 బంతుల్లో 18 పరుగులు చేయగా, కెప్టెన్ శ్రేయస్ అయ్యర్ 10 బంతుల్లో 5 పరుగులు చేసి వెనుదిరిగారు. చివర్లో తిలక్ వర్మ (1 బంతిలో 1 పరుగు), నమన్ ధీర్ (1 బంతిలో 4 పరుగులు) నాటౌట్‌గా నిలిచి మ్యాచ్‌ను ముగించారు. న్యూజిలాండ్ బౌలర్లలో కైల్ జేమీసన్ 2 వికెట్లు పడగొట్టగా, మాథ్యూ ఫిషర్ , మిచెల్ శాంట్నర్ చెరో వికెట్ సాధించారు. అయితే భారత బ్యాటర్ల ధాటికి కివీస్ బౌలర్లు భారీగా పరుగులు సమర్పించుకున్నారు. దాదాపు 14.92 రన్ రేట్‌తో లక్ష్యాన్ని ఛేదించిన టీమిండియా, న్యూజిలాండ్ గడ్డపై తమ ఆధిపత్యాన్ని చాటుకుంటూ ఈ మ్యాచ్‌లో చిరస్మరణీయ విజయాన్ని సొంతం చేసుకుంది.