Japan Captain: వైభవ్ సూర్యవంశీ ఆడతాడని అనుకున్నా.. జపాన్ కెప్టెన్ అసంతృప్తి..

జపాన్‌తో జరిగిన చారిత్రాత్మక తొలి పురుషుల టీ20 మ్యాచ్‌లో భారత్ తరఫున ఆడుతున్న 15 ఏళ్ల యువ బ్యాటర్ వైభవ్ సూర్యవంశీకి ప్లేయింగ్ ఎలెవెన్‌లో చోటు దక్కలేదు. ఈ మ్యాచ్‌లో భారత్ కేవలం 2 పరుగుల తేడాతో అతికష్టం మీద విజయం సాధించింది. అయితే, వైభవ్ బరిలోకి దిగుతాడని ఆశించిన జపాన్ కెప్టెన్ కెండెల్ కడోవాకీ-ఫ్లెమింగ్ నిరాశ వ్యక్తం చేశారు. ఆయన మాట్లాడుతూ.. అంతర్జాతీయ స్థాయిలో అద్భుతమైన గుర్తింపు తెచ్చుకున్న ఆ యువ సంచలనాన్ని మైదానంలో ఆడటాన్ని తాను చూడాలనుకున్నానని, కానీ టీమ్ షీట్‌లో అతని పేరు లేకపోవడం తనకు నిరాశ కలిగించిందని పేర్కొన్నారు.

భారత్, జపాన్ దేశాల మధ్య దౌత్య సంబంధాలకి 75 ఏళ్లు పూర్తయిన సందర్భంగా జరిగిన ఈ మ్యాచ్‌లో వైభవ్ భారత స్క్వాడ్‌లో ఉన్నప్పటికీ తుది జట్టులో అవకాశం లభించలేదు. వర్షం కారణంగా ఈ మ్యాచ్‌ను ఐదు ఓవర్లకు కుదించడంతో ఇన్నింగ్స్ కేవలం ముప్పై బంతులకే పరిమితమైంది. ముందుగా బ్యాటింగ్ చేసిన భారత్ ఐదు ఓవర్లలో నాలుగు వికెట్ల నష్టానికి కేవలం 32 పరుగులు మాత్రమే చేసింది. జపాన్ స్పిన్నర్ బౌలింగ్‌లో అభిషేక్ శర్మ తొలి బంతికే వెనుదిరగగా, సంజు శాంసన్ కూడా నిరాశపరిచారు.

1/2

🏏🏏🇮🇳🇮🇳🤝🏻🇯🇵🇯🇵🏏🏏

最高のスポーツマンシップが示された素晴らしい試合でした。

本日、佐野市で開催された印日クリケット国際親善試合は、外交樹立75周年の幕開けを飾る、素晴らしく記憶に残る試合となりました。

マリック大使と藤井一博 @_FujiiKazuhiro 外務政務官も試合を観戦し、試合後の表彰式では、全力を尽くした両国の代表チームの選手たちを称えました。

📍: Sano International Cricket Ground
📍: 佐野市国際クリケット場

#IndiaJapan75
#インド日本75

@BCCI @CricketJapan

— インド大使館 || India in Japan 🇮🇳 (@IndianEmbTokyo) September 22, 2026

చిన్న లక్ష్యంతో బరిలోకి దిగిన జపాన్ జట్టు భారత్‌కు చుక్కలు చూపించింది. జపాన్ కెప్టెన్ 12 పరుగులు చేసి జట్టును గెలుపు ముఖం వైపు నడిపించినప్పటికీ.. చివరి ఓవర్‌లో అక్షర్ పటేల్ కట్టుదిట్టంగా బౌలింగ్ చేసి కేవలం రెండు పరుగులే ఇచ్చారు. చివరి బంతికి నాలుగు పరుగులు కావాల్సిన దశలో జపాన్ ఒక్క పరుగు మాత్రమే తీయగలిగింది. దీంతో భారత్ 2 పరుగుల తేడాతో అతికష్టంగా విజయం సాధించింది. ఏషియన్ గేమ్స్ 2026కు ముందు జరిగిన ఈ సన్నాహక మ్యాచ్‌లో టీమిండియా ప్రదర్శన తీవ్ర చర్చనీయాంశమైంది. వైభవ్ సూర్యవంశీకి తుది జట్టులో అవకాశం ఇవ్వకపోవడంపై సర్వత్రా చర్చ సాగుతోంది.