IND vs NZ: కివీస్ గడ్డపై టీమిండియా సవాల్.. 2 టెస్టులు, 5 వన్డేలు, 5 టీ20లు.. న్యూజిలాండ్ టూర్ పూర్తి షెడ్యూల్ విడుదల.!

IND vs NZ: కివీస్ గడ్డపై టీమిండియా సవాల్.. 2 టెస్టులు, 5 వన్డేలు, 5 టీ20లు.. న్యూజిలాండ్ టూర్ పూర్తి షెడ్యూల్ విడుదల.!రత క్రికెట్ అభిమానులకు శుభవార్త. మరో ఆసక్తికరమైన సిరీస్‌కు రంగం సిద్ధమైంది టీమిండియా. న్యూజిలాండ్ క్రికెట్ బోర్డు (NZC) తమ 2026-27 అంతర్జాతీయ హోం సీజన్ షెడ్యూల్‌ను ప్రకటించగా.. ఈ పర్యటనలో భారత్ మూడు ఫార్మాట్లలో మొత్తం 12 మ్యాచ్‌లు ఆడనుంది. రెండు టెస్టులు, ఐదు వన్డేలు, ఐదు టీ20లతో ఇది న్యూజిలాండ్‌లో నిర్వహించే అతిపెద్ద అంతర్జాతీయ హోం సిరీస్‌గా నిలవనుంది. అక్టోబర్ 22 నుంచి ప్రారంభమయ్యే ఈ పర్యటనలో తొలి టీ20 మ్యాచ్ క్రైస్ట్‌చర్చ్‌లో జరగనుంది. ఆ తర్వాత అక్టోబర్ 24న రెండో టీ20, అక్టోబర్ 27న మూడో టీ20 వెల్లింగ్టన్‌లో, అక్టోబర్ 30న నాలుగో టీ20 ఆక్లాండ్‌లో, నవంబర్ 1న ఐదో టీ20 హామిల్టన్‌లో నిర్వహించనున్నారు.

టీ20 సిరీస్ అనంతరం ఐదు మ్యాచ్‌ల వన్డే సిరీస్ ప్రారంభమవుతుంది. నవంబర్ 4న తొలి వన్డే ఆక్లాండ్‌లో జరగనుండగా, నవంబర్ 7న రెండో వన్డే వెల్లింగ్టన్‌లో, నవంబర్ 10న మూడో వన్డే హామిల్టన్‌లో జరుగుతుంది. నవంబర్ 13, 15 తేదీల్లో నాలుగో, ఐదో వన్డేలు మౌంట్ మాంగనుయ్‌లో నిర్వహించనున్నారు. వన్డే సిరీస్ ముగిసిన తర్వాత రెండు టెస్టుల సిరీస్ ప్రారంభమవుతుంది. తొలి టెస్టు నవంబర్ 19 నుంచి 23 వరకు వెల్లింగ్టన్‌లో జరగనుండగా, రెండో టెస్టు నవంబర్ 27 నుంచి డిసెంబర్ 1 వరకు క్రైస్ట్‌చర్చ్‌లో నిర్వహించనున్నారు.

ఈ పర్యటనపై న్యూజిలాండ్ క్రికెట్ బోర్డు కూడా ఉత్సాహంగా ఉంది. భారత జట్టును తమ దేశంలో ఆతిథ్యం ఇవ్వడం ఎంతో ప్రత్యేకమని NZC చీఫ్ మార్కెటింగ్ అండ్ కమర్షియల్ ఆఫీసర్ గ్లెన్ క్రిచ్లీ పేర్కొన్నారు. ముఖ్యంగా స్టార్ ఆటగాళ్లు విరాట్ కోహ్లీ, జస్ప్రీత్ బుమ్రా వంటి క్రికెటర్లు న్యూజిలాండ్ గడ్డపై ఆడే అవకాశం ఉండటంతో అభిమానుల్లో భారీ అంచనాలున్నాయని ఆయన అన్నారు. భారత్-న్యూజిలాండ్ మధ్య ఉన్న క్రికెట్ ప్రత్యర్థిత్వం, స్నేహబంధం ఈ సిరీస్ ద్వారా మరింత బలోపేతం అవుతుందని NZC భావిస్తోంది. భారత జట్టు ఎక్కడ ఆడినా అభిమానుల సందడి ప్రత్యేకంగా ఉంటుందని, ఈ సిరీస్ కూడా క్రికెట్ వేడుకగా మారనుందని న్యూజిలాండ్ క్రికెట్ బోర్డు ఆశాభావం వ్యక్తం చేసింది.

భారత్-న్యూజిలాండ్ సిరీస్ పూర్తి షెడ్యూల్:
టీ20 సిరీస్..
1వ టీ20 – అక్టోబర్ 22, క్రైస్ట్‌చర్చ్
2వ టీ20 – అక్టోబర్ 24, క్రైస్ట్‌చర్చ్
3వ టీ20 – అక్టోబర్ 27, వెల్లింగ్టన్
4వ టీ20 – అక్టోబర్ 30, ఆక్లాండ్
5వ టీ20 – నవంబర్ 1, హామిల్టన్

వన్డే సిరీస్..
1వ వన్డే – నవంబర్ 4, ఆక్లాండ్
2వ వన్డే – నవంబర్ 7, వెల్లింగ్టన్
3వ వన్డే – నవంబర్ 10, హామిల్టన్
4వ వన్డే – నవంబర్ 13, మౌంట్ మాంగనుయ్
5వ వన్డే – నవంబర్ 15, మౌంట్ మాంగనుయ్

టెస్టు సిరీస్..
1వ టెస్టు – నవంబర్ 19-23, వెల్లింగ్టన్
2వ టెస్టు – నవంబర్ 27 – డిసెంబర్ 1, క్రైస్ట్‌చర్చ్