PM Modi: భారత్‌ ఆయుధాలు వాడేది ఆత్మరక్షణకే.. ఆధిపత్యం చెలాయించడం కోసం కాదు..

PM Modi: కులతత్వం, ప్రాంతీయత వంటి సామాజిక వక్రీకరణలను రూపుమాపాలని ప్రధాని నరేంద్ర మోడీ మంగళవారం ప్రజలకు పిలుపునిచ్చారు. ఢిల్లీలోని ద్వారకాలోని రామ్‌లీలా మైదాన్‌లో జరిగిన దసరా కార్యక్రమంలో పాల్గొన్న ప్రధాని మోడీ, కనీసం ఒక పేద కుటుంబం సామాజిక-ఆర్థిక స్థితిని పెంపొందించడంతో సహా 10 ప్రతిజ్ఞలు తీసుకోవాలని ప్రజలను కోరారు. ఈరోజు రావణ దహనం కేవలం దిష్టిబొమ్మ దహనం మాత్రమే కాకుండా కులతత్వం, ప్రాంతీయత పేరుతో ‘మా భారతి’ని విభజించడానికి ప్రయత్నించే శక్తుల గురించి కూడా ఉండాలని ప్రధాని మోడీ అన్నారు. “విజయదశమి పండుగ జాతికి చెందిన ప్రతి దుర్మార్గంపై దేశభక్తి విజయోత్సవ పండుగగా కూడా ఉండాలి. సమాజంలోని చెడులు, వివక్షలను అంతం చేస్తామని ప్రతిజ్ఞ చేయాలి. అభివృద్ధి పథంలో కొత్త శక్తి, కొత్త తీర్మానాలతో ముందుకు వెళ్తాము. అందరం కలిసి ‘శ్రేష్ఠ భారత్‌’ని రూపొందిస్తాం’ అని అన్నారు. “విజయదశమి నాడు శస్త్రపూజ చేసే సంప్రదాయం కూడా ఉంది. భారత గడ్డపై ఆయుధాలు పూజించబడడం ఏ భూమిపైనా ఆధిపత్యం కోసం కాదు, సొంత భూమిని కాపాడుకోవడం కోసం. మన శక్తి పూజ మన కోసమే కాదు, సర్వజన క్షేమం కోసం. ప్రపంచం కోసం అని…” ప్రధాని మోడీ పేర్కొన్నారు.

Also Read: Mohan Bhagwat: మణిపూర్‌లో జరుగుతున్న హింసకు బాహ్య శక్తులే కారణం

రామ మందిరంపై ప్రధాని మోదీ మాట్లాడుతూ, “చాలా కాలం నిరీక్షణ తర్వాత అయోధ్యలో రామజన్మభూమిపై శ్రీరాముని ఆలయాన్ని నిర్మించడం ఈ రోజు మనం అదృష్టవంతులమని, ఇది మన సహనానికి సంకేతం” అని ఆయన అన్నారు.తన ప్రసంగంలో, ప్రధాని మోదీ భారత అంతరిక్ష పరిశోధనా సంస్థ (ఇస్రో), చంద్రుని ఉపరితలంపై ల్యాండ్ చేయడానికి దాని విజయవంతమైన ప్రయత్నాన్ని కూడా ప్రశంసించారు. భారత్‌ త్వరలో ప్రపంచంలోనే మూడో అతిపెద్ద ఆర్థిక వ్యవస్థగా అవతరించనుందని ఆయన అన్నారు.చంద్రుడిని చేరుకున్నాము. ప్రపంచంలో మూడవ అతిపెద్ద ఆర్థిక వ్యవస్థగా అవతరించబోతున్నాము. కొద్ది వారాల క్రితమే కొత్త పార్లమెంటు భవనంలోకి ప్రవేశించాము. మహిళా శక్తికి ప్రాతినిధ్యం కల్పించేందుకు, పార్లమెంటు నారీ శక్తి వందన్ అధినియంను ఆమోదించింది,” అని ప్రధాన మంత్రి తెలిపారు.