Hyderabad: బ్యాచిలర్లకు గుడ్ న్యూస్.. వినాయక చవితి అన్నదానాల కోసం సరికొత్త వెబ్సైట్.. పూర్తి వివరాలు ఇవే..
- Follow Us :
-
-
Add as a preferred
source on google
Hyderabad: వినాయక చవితి ఉత్సవాలు ప్రారంభమయ్యాయంటే చాలు దేశవ్యాప్తంగా, ముఖ్యంగా హైదరాబాద్లో పండుగ శోభ సంతరించుకుంటుంది. వీధివీధినా గణనాథులు కొలువుదీరి ప్రత్యేక పూజలు, సాంస్కృతిక కార్యక్రమాలు, అన్నదానాలతో ఆధ్యాత్మిక వాతావరణం నెలకొంటుంది. నవరాత్రుల్లో తొమ్మిది రోజుల పాటు నిర్వహించే ఈ అన్నదానాలు ఆకలి బాధలను తీరుస్తాయి. ముఖ్యంగా గదుల్లో వంట చేసుకోవడానికి ఇబ్బంది పడే బ్యాచిలర్లకు, హాస్టల్ విద్యార్థులకు, చాలిచాలని జీతాలతో పనిచేసే ఉద్యోగులకు ఈ ప్రసాద వితరణ ఎంతో మేలు చేస్తుంది. అయితే, విశాలమైన భాగ్యనగరంలో ఏ రోజు, ఏ సమయంలో, ఏ ఏరియాలో అన్నదానం జరుగుతుందో తెలియక చాలామంది ఇబ్బంది పడుతుంటారు.
ఈ సమస్య పరిష్కారానికి టెక్నాలజీ ఆధారంగా ‘Annadhanam Spots’ (annadhanamspots.in) అనే సరికొత్త ఉచిత వెబ్సైట్ అందుబాటులోకి వచ్చింది. తెలంగాణ, ఆంధ్రప్రదేశ్లతో పాటు ముఖ్యంగా హైదరాబాద్లోని అమీర్పేట్, దిల్సుఖ్నగర్, కూకట్పల్లి, మాదాపూర్, ఎల్బీనగర్, సికింద్రాబాద్ వంటి ప్రాంతాల్లోని అన్నదాన కేంద్రాల వివరాలను ఈ డిజిటల్ ప్లాట్ఫామ్ ద్వారా సులభంగా తెలుసుకోవచ్చు. ఈ వెబ్సైట్లో అన్నదానం ప్రారంభమయ్యే కచ్చితమైన సమయం (మధ్యాహ్నం లేదా రాత్రి), నేరుగా చేరుకోవడానికి గూగుల్ మ్యాప్స్ లింక్, ఆ రోజు వడ్డించే ప్రసాదం (పులిహోర, దద్దోజనం, వెజ్ బిర్యానీ, పాయసం వంటివి) మెనూ వివరాలు కూడా లభిస్తాయి. క్రౌడ్ సోర్సింగ్ విధానంలో నడిచే ఈ పోర్టల్లో ఎలాంటి సైన్అప్ లేదా లాగిన్ లేకుండానే వినియోగదారులు స్వయంగా తమకు తెలిసిన అన్నదాన వివరాలను నమోదు చేయవచ్చు. ఆకలితో ఉన్నవారికి సకాలంలో భోజనం దొరికేలా అన్నదాతలను, భక్తులను ఒకే వేదికపైకి తెచ్చిన ఈ ఆలోచనపై సోషల్ మీడియాలో సర్వత్రా ప్రశంసలు వెల్లువెత్తుతున్నాయి.
Also Read
- Sam Pitroda: ‘‘ప్రధాని మోడీ ఫోన్లు ట్యాప్ చేయరు’’.. రాహుల్కు భిన్నంగా సామ్ పిట్రోడా కామెంట్స్.!
- Chandrababu Convoy: సీఎం చంద్రబాబు కాన్వాయ్లోకి కొత్త వాహనాలు.. రూ.1.78 కోట్లతో ఆరు వాహనాలు కొనుగోలు..
- AP Rain Alert: బంగాళాఖాతంలో మరో తుఫాన్ ముప్పు.. తీవ్ర తుఫాన్గా మారనున్న 'అక్వాన్'..
- Delhi Police: రామ్లీలా మైదానంలో సభలకు కొత్త రూల్స్.. ఢిల్లీ పోలీస్ షాకింగ్ నిర్ణయం!
మరోవైపు, నగరంలో ఫేమస్ అయిన ఖైరతాబాద్ పంచముఖ సంకటహర మహాగణపతిని దర్శించుకునేందుకు భారీగా భక్తులు తరలివస్తున్నారు. నిన్న సాయంత్రం కురిసిన భారీ వర్షంలోనూ భక్తులు అధిక సంఖ్యలో వచ్చి బడా గణేష్ను దర్శించుకోగా, ఇప్పటివరకు 2 లక్షల మందికి పైగా భక్తులు స్వామివారిని దర్శించుకున్నట్లు సమాచారం. రానున్న రోజుల్లో రద్దీ మరింత పెరిగే అవకాశం ఉండటంతో పోలీసులు, నిర్వాహకులు క్యూలైన్లు, మండప పరిసరాల్లో తగిన ఏర్పాట్లు చేశారు. ఈ విధంగా తొమ్మిది రోజుల పాటు భక్తిశ్రద్ధలు, అన్నదానాలు, నిమజ్జన వేడుకలతో హైదరాబాద్ నగరం ఆధ్యాత్మిక అలరారుతోంది.
తాజావార్తలు
-
Giribabu: భయపెట్టే విలన్, నవ్వించే కమెడియన్.. గిరిబాబు జీవితంలోని ఆసక్తికర కోణాలివే!
-
Kajal Agarwal: ఆ రోజు నేనూ చనిపోవాల్సింది.. కానీ ఏదో అదృశ్య శక్తి నన్ను వెనక్కి లాగింది!
-
Giribabu: టాలీవుడ్లో విషాదం.. సీనియర్ నటుడు గిరిబాబు కన్నుమూత
-
Sam Pitroda: ‘‘ప్రధాని మోడీ ఫోన్లు ట్యాప్ చేయరు’’.. రాహుల్కు భిన్నంగా సామ్ పిట్రోడా కామెంట్స్.!
-
Chandrababu Convoy: సీఎం చంద్రబాబు కాన్వాయ్లోకి కొత్త వాహనాలు.. రూ.1.78 కోట్లతో ఆరు వాహనాలు కొనుగోలు..
ట్రెండింగ్
-
Virat Kohli: విరాట్ కోహ్లీ ఖాతాలో చెత్త రికార్డు.. మొదటి బ్యాటర్గా.. మరీ తక్కువ మ్యాచ్ల్లోనే!
-
India All Out List: వన్డేల్లో టీమిండియాకు ఘోర పరాభవం.. 100 లోపే భారత్ ఇన్నిసార్లు ఆలౌట్ అయిందా?
-
Children’s Day 2026 : మార్కుల వేట వద్దు.. పిల్లల్లో క్రియేటివిటీ పెంచండి
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!