WTC Final 2025: వరల్డ్‌ టెస్ట్‌ ఛాంపియన్‌ దక్షిణాఫ్రికా.. ప్రైజ్ మనీ ఎన్ని కోట్లో తెలుసా?

టెంబా బవుమా సారధ్యంలోని దక్షిణాఫ్రికా 27 ఏళ్ల తర్వాత ICC ట్రోఫీని సాధించింది. WTC ఫైనల్ 2025లో, దక్షిణాఫ్రికా ఆస్ట్రేలియాను 5 వికెట్ల తేడాతో ఓడించి మొదటిసారి టైటిల్‌ను గెలుచుకుంది. వరల్డ్‌ టెస్ట్‌ ఛాంపియన్‌ గా సరికొత్త చరిత్ర సృష్టించింది. అంతకుముందు, న్యూజిలాండ్, ఆస్ట్రేలియా జట్టు గత రెండు WTC సైకిల్స్‌ను గెలుచుకున్నాయి. WTC ఫైనల్ 2025 గెలిచిన తర్వాత, దక్షిణాఫ్రికాకు దాదాపు రూ. 30 కోట్ల ప్రైజ్ మనీ లభించింది. ఓడిపోయిన ఆస్ట్రేలియా జట్టు కూడా చాలా సంపాదించింది. ఇది మాత్రమే కాదు, ఫైనల్ మ్యాచ్ ఆడకపోయినా, టీం ఇండియా కూడా కోట్ల రూపాయలు సంపాదించింది.

Also Read:Ashwini Sri : మా అక్కను పెళ్లి చేసుకుంటే నేనూ వచ్చేస్తా.. హీరోకు అశ్విని శ్రీ ఆఫర్..

WTC ఫైనల్ 2025 మ్యాచ్ ఆస్ట్రేలియా, దక్షిణాఫ్రికా మధ్య లండన్‌లోని లార్డ్స్ మైదానంలో జరిగింది. ఇక్కడ ఆస్ట్రేలియా జట్టు రెండవసారి, దక్షిణాఫ్రికా మొదటిసారి ఫైనల్ ఆడింది. చివరగా, ఆస్ట్రేలియా భారత్ ను ఓడించి టైటిల్‌ను గెలుచుకుంది. కానీ ఈసారి కంగారూ జట్టు టైటిల్‌ను కాపాడుకోలేకపోయింది. దక్షిణాఫ్రికా WTC ఫైనల్ 2025 ఫైనల్‌ను గెలుచుకుంది. దక్షిణాఫ్రికా $3.6 మిలియన్లు (రూ. 30 కోట్లకు పైగా) ప్రైజ్ మనీని అందుకుంది. WTC ఫైనల్‌లో ఓడిపోయిన ఆస్ట్రేలియా జట్టు దాదాపు రూ.18.5 కోట్లు అందుకుంది. భారత జట్టు WTC పాయింట్ల పట్టికలో మూడవ స్థానంలో నిలిచింది. దీనికి గాను దాదాపు రూ.12.32 కోట్లు అందుకుంది.

Also Read:Tollywood : ఫాదర్ సెంటిమెంట్‌తో వచ్చిన.. టాలీవుడ్ బెస్ట్ మూవీస్

ఏ జట్టుకు ఎంత వచ్చింది?

మొదటి స్థానం (దక్షిణాఫ్రికా): దాదాపు రూ. 30 కోట్లు
రెండవ స్థానం (ఆస్ట్రేలియా): దాదాపు 18 కోట్లు
మూడవ స్థానం (భారతదేశం): దాదాపు 12 కోట్లు
నాల్గవ స్థానం (న్యూజిలాండ్): దాదాపు రూ. 10 కోట్లు
ఐదవ స్థానం (ఇంగ్లాండ్): దాదాపు రూ. 8 కోట్లు
ఆరవ స్థానం (శ్రీలంక): దాదాపు రూ. 7 కోట్లు
7వ స్థానం (బంగ్లాదేశ్): దాదాపు 6 కోట్లు
ఎనిమిదో స్థానం (వెస్టిండీస్): దాదాపు రూ. 5 కోట్లు
9వ స్థానం (పాకిస్తాన్): దాదాపు 4 కోట్లు

Also Read:WTC Final 2025: వరల్డ్ టెస్ట్ ఛాంపియన్ షిప్‌లో సౌతాఫ్రికా నయా హిస్టరీ.. 27 ఏళ్ల నిరీక్షణకు తెర..

2025 WTC ఫైనల్ మ్యాచ్ దక్షిణాఫ్రికా, ఆస్ట్రేలియా మధ్య జరిగింది. ఈ మ్యాచ్‌లో, దక్షిణాఫ్రికా జట్టు కెప్టెన్ టెంబా బవుమా టాస్ గెలిచి ముందుగా బౌలింగ్ ఎంచుకున్నాడు. ఈ మ్యాచ్‌లో మొదట బ్యాటింగ్ చేసిన ఆస్ట్రేలియా 212 పరుగులకు ఆలౌట్ అయింది. ఆఫ్రికా తొలి ఇన్నింగ్స్‌లో 138 పరుగులకు ఆలౌట్ అయింది. ఆస్ట్రేలియా రెండో ఇన్నింగ్స్‌లో 207 పరుగులు చేసింది. ఆఫ్రికా విజయానికి 282 పరుగుల లక్ష్యాన్ని నిర్దేశించింది. ఐడెన్ మార్క్రామ్ అద్భుతమైన సెంచరీ, గాయం ఉన్నప్పటికీ కెప్టెన్ బవుమా 66 పరుగుల పోరాట ఇన్నింగ్స్ తో ఆఫ్రికా 83.4 ఓవర్లలో విక్టరీ సాధించింది.