Bhuma Kishore Reddy: మాజీ మంత్రి భూమా అఖిల ప్రియకు వ్యతిరేకంగా సమీప భూమా కుటుంబ సభ్యులు రంగంలోకి దిగారు.. నంద్యాలలో ఉమ్మడిగా మీడియా సమావేశం ఏర్పాటు చేశారు.. భూమా కుటుంబంతో అఖిల ప్రియకు సంబంధం లేదంటున్నారు భూమా నాగిరెడ్డి సోదరి శ్రీదేవి.. మా భూమా కుటుంబం అంత భమా కిషోర్ రెడ్డికే మద్దతు ఇస్తుందన్నారు. అఖిల ప్రియకు మద్దతు ఇచ్చేదే లేదని స్పష్టం చేశారు. అఖిల ప్రియ.. భూమా కుటుంబానికి చెందినామే కాదు, తన భర్త మద్దూర్ కుటుంబానికి చెందిన వ్యక్తిగా పేర్కొన్నారు భూమా నాగిరెడ్డి సోదరి శ్రీదేవి..
Read Also: YCP 5th List Tension: వైసీపీ ఐదో జాబితాపై కసరత్తు.. సీఎంవోలో కీలక నేతలు.. సిట్టింగ్‌ల్లో టెన్షన్‌..!
భూమా కుటుంబం నుంచి ఎమ్మెల్యేగా బరిలో ఉండేది నేనే.. ఫిబ్రవరి 7 లేదా 9వ తేదీల నుండి ప్రజల్లోకి ప్రచారానికి సిద్ధం అవుతున్నట్టు ప్రకటించారు ఆళ్లగడ్డ భారతీయ జనతా పార్టీ (బీజేపీ) ఇంఛార్జ్‌ భూమా కిషోర్ రెడ్డి.. అంతేకానీ, మద్దూరు అఖిల ప్రియ, భార్గవ్ రామ్ నాయుడుతో సంబంధం లేదన్నారు. భూమా కుటుంబం అంటే మేమే, మద్దూరు అఖిల ప్రియ కాదు అన్నారు. మద్దూరు అఖిల ప్రియ చేసిన ఘోరాలు అందరికీ తెలుసు.. అందుకే ఆమెను మా ఫ్యామిలీ పక్కన పెట్టిందన్నారు. పొత్తులో భాగంగా బీజేపీ అధిష్ఠానం నాకు సీటు ఇవ్వకపోతే.. ఇండిపెండెడ్ గా అయినా పోటీ చేస్తాను.. కానీ, అఖిల ప్రియకు మద్దతు ఇచ్చేది లేదని స్పష్టం చేశారు భూమా కిషోర్ రెడ్డి. కాగా, త్వరలోనే ఏపీలో లోక్ సభ ఎన్నికలతో పాటు అసెంబ్లీ ఎన్నికలు జరగనున్న నేపథ్యంలో.. భూమా కుటుంబంలో ఇప్పుడు తాజా పరిణామాలు కాకరేపుతున్నాయి..
