Manmohan Singh: భారత మాజీ ప్రధానమంత్రి డాక్టర్ మన్మోహన్ సింగ్ 2024, డిసెంబర్ 26న 92 ఏళ్ల వయస్సులో కన్నుమూశారు. ఆయన సేవలను స్మరించేందుకు కేంద్ర ప్రభుత్వం ఢిల్లీలో స్మారక చిహ్నం నిర్మించాలని నిర్ణయించింది. ఈ సమాచారం కేంద్ర హోం మంత్రిత్వ శాఖ ద్వారా వెల్లడైంది. మాజీ ప్రధాని స్మారక చిహ్నం కోసం స్థలం కేటాయించాలని కాంగ్రెస్ పార్టీ అధ్యక్షుడు మల్లికార్జున ఖర్గే చేసిన అభ్యర్థనకు కేంద్ర ప్రభుత్వం సానుకూలంగా స్పందించింది. హోం మంత్రిత్వ శాఖ తమ ప్రకటనలో, దేశానికి మన్మోహన్ సింగ్ అందించిన అమూల్యమైన సేవలను గుర్తించేందుకు ఈ స్మారకాన్ని నిర్మించనున్నట్లు పేర్కొంది.
Also Read: Manmohan Singh: ప్రజల దర్శనార్థం మాజీ ప్రధాని భౌతికకాయం
డాక్టర్ మన్మోహన్ సింగ్ 2004-2014 కాలంలో యూపీఏ ప్రభుత్వం ప్రధాన మంత్రిగా పని చేశారు. అతని సేవలను గౌరవించేందుకు ఆయన జ్ఞాపకార్థం ఢిల్లీలో స్మారక చిహ్నం నిర్మించాలని కాంగ్రెస్ పార్టీ శుక్రవారం డిమాండ్ చేసింది. కాంగ్రెస్ పార్టీ అధ్యక్షుడు ఖర్గే, డాక్టర్ సింగ్ కుటుంబ సభ్యులతో కలిసి ఈ అంశంపై తమ అభ్యర్థనను ప్రభుత్వానికి తెలియజేశారు. ఈ నేపథ్యంలో హోం మంత్రి అమిత్ షా, కేబినెట్ సమావేశం అనంతరం, స్మారక చిహ్నం కోసం స్థల కేటాయింపుపై నిర్ణయాన్ని ప్రకటించారు. ఇది డాక్టర్ సింగ్ అంత్యక్రియలకు సన్నాహకాలు జరుగుతున్న సమయంలో వెలువడింది. అయితే, స్మారక చిహ్నం కోసం స్థలం కేటాయించడంలో జాప్యం చేయడం పట్ల కాంగ్రెస్ పార్టీ అసంతృప్తి వ్యక్తం చేసింది. ఇది భారత తొలి సిక్కు ప్రధానమంత్రిపై అవమానం కాదా? అని ప్రశ్నించింది. అయితే, ఈ స్మారక చిహ్నం నిర్మాణం గురించి తీసుకున్న నిర్ణయం.. డాక్టర్ సింగ్ సేవలను స్మరించేందుకు ముఖ్యమైన అడుగు అని భావించవచ్చు.
Also Read: UnstoppableWithNBK : విక్టరీ వెంకటేష్ బెస్ట్ ఫ్రెండ్ ఆమేనట