Gold Price: పసిడి ప్రేమికులకు శుభవార్త.. గోల్డ్ రేట్ తగ్గింది.. త్వరపడండి

Gold Price: కొద్ది రోజులుగా పెరుగుతూ పోతున్న బంగారం ధరలకు బ్రేక్ పడింది. అంతర్జాతీయంగా గోల్డ్ రేటు తగ్గడంతో దేశీయ మార్కెట్లో పసిడి ధర పడిపోయింది. మళ్లీ పెళ్లిళ్ల సీజన్ వస్తుండడంతో బంగారానికి డిమాండ్ పెరిగి రేట్లు పెరుగుతాయి కావున కొనాలంటే ఇదే మంచి సమయం అంటున్నారు విశ్లేషకులు. ఎంసీఎక్స్‌లో బంగారం 1.3 శాతం పడిపోయి తులం రూ.700 మేర తగ్గింది. ఒక్కరోజులో ఇంత తగ్గడం గత మూడు నెలల్లో ఇదే తొలిసారి.
అమెరికా ఫెడ్ మళ్లీ వడ్డీ రేట్లను భారీగా పెంచనుందని వార్తలు రావడంతో ఇన్వెస్టర్లు ఆందోళనలో ఉన్నారు. వచ్చే నెలలో సమావేశం కానున్న ఫెడ్ ఈసారి ఏకంగా 75 బేసిస్ పాయింట్ల మేర వడ్డీ రేటును పెంచొచ్చని నిపుణులు భావిస్తున్నారు. ఇది డాలర్‌ను బలపరిచింది. వడ్డీ రేట్ల పెంపు చేపడితే అది బంగారం డిమాండ్‌ను తగ్గిస్తుంది. అందుకే మళ్లీ గోల్డ్ రేట్లు పడిపోయాయి.

Read Also: Election Agenda: ఇంటికో బైక్, రోజుకో ఫుల్ బాటిల్, రూ.20కే లీ.పెట్రోల్.. నాకే ఓటెయ్యండి?

ప్రస్తుతం అంతర్జాతీయ మార్కెట్‌లో స్పాట్ గోల్డ్ ధర ఔన్సుకు 1672 డాలర్లకు పడిపోయింది. సిల్వర్ కూడా 19.70 డాలర్ల వద్ద ట్రేడవుతోంది. డాలర్‌తో పోలిస్తే రూపాయి మారకం విలువ రూ.82.45 వద్ద ఉంది. ఇక హైదరాబాద్‌లో బంగారం ధర 10 గ్రాములకు ఏకంగా రూ.250 మేర తగ్గింది. ప్రస్తుతం 22 క్యారెట్లకు చెందిన 10 గ్రాముల బంగారం హైదరాబాద్‌లో రూ.47,600కు చేరింది. ఇదే 24 క్యారెట్ల బంగారం ధర హైదరాబాద్‌లో 10 గ్రాములు రూ.52,200 నుంచి రూ.51,930కు పడిపోయింది. అంటే తులం బంగారం రూ.270 మేర తగ్గిందన్నమాట. సిల్వర్ రేటు ఇంకా భారీగా పడిపోయింది. హైదరాబాద్‌లో కేజీ వెండి ధర ఒక్కరోజులోనే రూ.1200 తగ్గింది. అక్టోబర్ 10 ఉదయం కేజీ సిల్వర్ రూ.66 వేల వద్ద ఉండగా.. ప్రస్తుతం అది రూ.64,800కు చేరింది.

ఆయా ప్రాంతాలను బట్టి బంగారం, వెండి ధరల్లో స్వల్ప తేడా ఉంటుంది. దేశ రాజధాని ఢిల్లీలో 10 గ్రాముల బంగారం ధర 22 క్యారెట్లకు రూ. 250 మేర తగ్గింది. ప్రస్తుతం రూ.48 వేల నుంచి రూ.47,750కి పడిపోయింది. 24 క్యారెట్లకు చెందిన తులం గోల్డ్ రేటు రూ.260 తగ్గి రూ.52,100కు పతనమైంది. దిల్లీలో సిల్వర్ రేటు కేజీకి రూ.1300 తగ్గింది. ప్రస్తుతం అక్కడ రూ.59,500 పలుకుతోంది.