Galgotias University: గల్గోటియాస్ యూనివర్సిటీ చైనా రోబో డాగ్ వివాదంతో.. ‘మేక్ ఇన్ ఇండియా’కు గట్టి దెబ్బ..!

ఇండియా AI ఇంపాక్ట్ సమ్మిట్ 2026లో చైనా నుంచి కొనుగోలు చేసిన రోబోట్ డాగ్‌ను తమ స్వంత అభివృద్ధి అని ప్రదర్శించిన వివాదం మధ్య, గల్గోటియాస్ యూనివర్సిటీకి ఎక్స్‌పో వేదికను వెంటనే ఖాళీ చేయాలని ప్రభుత్వ వర్గాలు ఆదేశించాయి. గల్గోటియాస్ యూనివర్సిటీ తమ స్టాల్‌లో “ఓరియన్” అనే పేరుతో రోబోట్ డాగ్‌ను ప్రదర్శించింది. ఇది విద్యార్థులు అభివృద్ధి చేసినదిగా, యూనివర్సిటీ రూ. 350 కోట్ల AI ఎకోసిస్టమ్‌లో భాగంగా చూపించారు. అయితే, సోషల్ మీడియాలో వైరల్ అయిన వీడియోలు, ఫోటోల ఆధారంగా ఇది చైనా కంపెనీ Unitree Robotics తయారీలోని Go2 మోడల్ అని తేలింది.

Also Read:Ranji Trophy 2026: 67 ఏళ్ల కల నిజమైంది.. తొలిసారి రంజీ ట్రోఫీ ఫైనల్‌కు జమ్మూ & కాశ్మీర్

ఇది వాణిజ్యపరంగా అందుబాటులో ఉన్న ఉత్పత్తి, ధర సుమారు రూ.2-3 లక్షల మధ్య ఉంటుంది. ఈ విషయం తెలిసిన వెంటనే నెటిజన్ల నుంచి తీవ్ర విమర్శలు వచ్చాయి. “మేక్ ఇన్ ఇండియా”ను ప్రోత్సహిస్తున్న సమయంలో విదేశీ ఉత్పత్తిని స్వదేశీగా చూపించడం తప్పు అని ఆరోపణలు లేవనెత్తారు. ఇది యూనివర్సిటీకి మాత్రమే కాకుండా, సమ్మిట్ ఆర్గనైజర్లకు, భారత ప్రభుత్వానికి కూడా ఇబ్బందికరంగా మారింది. కొందరు ఇంకా డ్రోన్ ప్రాజెక్ట్‌లపై కూడా సారూప్య ఆరోపణలు చేస్తున్నారు. ప్రభుత్వ వర్గాలు గల్గోటియాస్ యూనివర్సిటీ స్టాల్‌ను వెంటనే ఖాళీ చేయాలని ఆదేశించాయి.

Also Read:Vishwak Sen : మరొక ఫ్లాప్‌ దర్శకుడితో విశ్వక్ సేన్..

యూనివర్సిటీ స్పందిస్తూ.. మేము ఎప్పుడూ ఈ రోబోట్‌ను మేమే తయారు చేశామని చెప్పలేదు. ఇది Unitree నుంచి కొనుగోలు చేసినది, విద్యార్థులకు లెర్నింగ్ టూల్‌గా ఉపయోగిస్తున్నాం అని తెలిపారు. అయితే, ప్రదర్శన సమయంలో ఇచ్చిన స్టేట్‌మెంట్లు, వీడియోలలో అస్పష్టతలు ఉండటం వల్ల వివాదం పెరిగింది. ఈ ఘటన భారతదేశంలో AI, రోబోటిక్స్ రంగంలో స్వదేశీ ఇన్నోవేషన్‌పై ఉన్న ఆశలు, రియాలిటీ మధ్య ఉన్న అంతరాన్ని మరోసారి హైలైట్ చేసింది. సమ్మిట్‌లో ప్రధాని నరేంద్ర మోడీ, గూగుల్ CEO సుందర్ పిచాయ్ వంటి ప్రముఖులు పాల్గొన్న నేపథ్యంలో ఈ వివాదం మరింత చర్చనీయాంశమైంది.