‘రాకెట్రీ’లో మాధవన్ నటన కాదు జీవించాడు నంబి నారాయణన్ అనే ఇస్రో శాస్త్రవేత్తగా దేశం కోసం చేసిన సేవలు ఎదుర్కొన్న అవమానాలు కుటుంబం పడిన బాధ అన్నింటినీ ఎంతో ఎమోషనల్గా చూపించాడు మాధవన్. ప్రత్యేకంగా బరువు పెరగడం తగ్గడం మేకప్ లేకుండా లుక్ మార్చుకోవడం ఆయన డెడికేషన్కి ఉదాహరణ. టెక్నికల్ విషయాలు ఎక్కువగా ఉన్నా సెకండాఫ్లో వచ్చే ఎమోషన్స్ సినిమాకు హార్ట్గా నిలిచాయి.
Also Read : Teja sajja : తేజ సజ్జ కొత్త స్టెప్ ఆయన కెరీర్కు ప్లస్ అవుతుందా? లేక రిస్క్గా మారుతుందా?
అదే మాధవన ‘షైతాన్’లో పూర్తిగా భయంకరమైన అవతారంలో కనిపించాడు. వన్రాజ్ కశ్యప్గా బ్లాక్ మ్యాజిక్తో ఒక కుటుంబాన్ని నియంత్రించే క్రూరమైన వ్యక్తిగా నటించాడు. సైలెంట్గా కనిపిస్తూ ఒక్కో డైలాగ్తో టెన్షన్ పెంచే విధానం, కళ్ళలో కనిపించే క్రూరత్వం… ఈ పాత్రను నిజంగా “దుర్మార్డుడికి ప్రతిరూపంగా నిలబెట్టాడు. ఈ సినిమాలో హీరో కంటే విలన్ పాత్రే ఎక్కువ ఇంపాక్ట్ క్రియేట్ చేసింది. ఇక లేటెస్ట్ గా ధురంధర్ తో పాటు ‘ధురంధర్ ది రివేంజ్’లో మాధవన్ పూర్తిగా మరో లెవెల్లో కనిపించాడు. అజయ్ సన్యాల్ అనే ఐబీ డైరెక్టర్గా… దేశ భద్రత కోసం పనిచేసే స్ట్రాటజిక్ మాస్టర్మైండ్గా నటించాడు. సైలెంట్గా ప్లాన్ చేస్తూ… హీరోను గూఢచారిగా మలిచే మెంటర్ పాత్రలో ఆయన ప్రెజెన్స్ సినిమాకి వెన్నెముకలా నిలిచింది. ముఖ్యంగా క్లైమాక్స్లో ఆయన ఎమోషనల్ ఇంటెన్సిటీ… సినిమాకు డెప్త్ తీసుకొచ్చింది. మొత్తానికి… బయోపిక్లో నిజాయితీ… హారర్లో భయం… యాక్షన్ థ్రిల్లర్లో స్ట్రాటజీ… ఇలా ప్రతి జానర్లో తనను తాను పూర్తిగా మార్చుకుంటూ మాధవన్ తన నటనకు కొత్త నిర్వచనం ఇస్తున్నాడు. ఒక నటుడు ఎంత వెర్సటైల్గా మారగలడో చెప్పాలంటే… ఇదే బెస్ట్ ఎగ్జాంపుల్.