Pappu Yadav : ఎంపీ పప్పు యాదవ్ పై ఎఫ్ఐఆర్ నమోదు..రూ.కోటి మోసం చేశాడని ఆరోపణలు
- Follow Us :
-
-
Add as a preferred
source on google
Pappu Yadav : ఈసారి పూర్నియా లోక్సభ స్థానం నుంచి స్వతంత్ర అభ్యర్థిగా పోటీ చేసి ఎన్నికల్లో కాంగ్రెస్, బీజేపీ రెండింటినీ ఓడించి గెలిచిన పప్పు యాదవ్పై ఎఫ్ఐఆర్ నమోదైంది. సోమవారం, జూన్ 10న ముఫాసిల్ పోలీస్ స్టేషన్లో ఓ వ్యాపారి ఫిర్యాదు చేశారు. రాజేష్ రంజన్ అలియాస్ పప్పు యాదవ్ నుండి కోటి రూపాయల దోపిడీ మొత్తాన్ని డిమాండ్ చేసినట్లు వ్యాపారి ఆరోపించారు. దీంతో పాటు హత్య బెదిరింపులు కూడా వచ్చాయి.
పూర్నియా జిల్లా పోలీసులు విడుదల చేసిన ప్రకటన ప్రకారం.. డెకరేషన్ వ్యాపారం చేసే ఫిర్యాదుదారుని ఓట్ల లెక్కింపు రోజు జూన్ 4న తన ఇంటికి పిలిపించిన పప్పు యాదవ్ కోటి రూపాయలు డిమాండ్ చేశారు. ఇంతకుముందు 2021, 2023లో కూడా పప్పు యాదవ్ ఇలాంటి డిమాండ్ చేశారని పోలీసులు తెలిపారు. అయితే ఈసారి కూడా డబ్బులు ఇవ్వకుంటే చంపేస్తానని యాదవ్ బెదిరించడంతో పాటు వచ్చే ఐదేళ్లపాటు ఎంపీతో వ్యవహరించాల్సి ఉంటుందని హెచ్చరించారు.
Read Also:Yellow Alert: మూడు రోజులు భారీ వర్షాలు.. పలు జిల్లాలకు ఎల్లో అలర్ట్
గతంలో కూడా ఇలాంటి ఆరోపణలు
ఈ ఫిర్యాదు ఆధారంగా, పోలీసులు ఎంపీ, అతని సహచరుడు అమిత్ యాదవ్పై కూడా కేసు నమోదు చేసి తదుపరి దర్యాప్తు ప్రారంభించారు. పప్పు యాదవ్ తరచూ బలప్రయోగం చేస్తున్నాడని ఆరోపించారు. ఇటీవల ముగిసిన లోక్సభ ఎన్నికల్లో ఆయన పూర్నియా స్థానం నుంచి ఎంపీగా ఎన్నికయ్యారు. జనతాదళ్-యునైటెడ్ (జేడీ-యూ)కి చెందిన రెండుసార్లు ఎంపీ సంతోష్ కుష్వాహను ఓడించారు. కోటి రూపాయల దోపిడీ కేసులో పప్పు యాదవ్ నుంచి ఇంకా ఎలాంటి స్పందన లేదు.
పప్పు యాదవ్పై 41 కేసులు
పూర్నియా స్థానం నుంచి ఎంపీగా గెలిచిన పప్పు యాదవ్ తన పార్టీని రద్దు చేసి కాంగ్రెస్లో విలీనం చేశారు. అయితే కాంగ్రెస్ ఆయనకు టికెట్ ఇవ్వకపోవడంతో యాదవ్ స్వతంత్ర అభ్యర్థిగా పోటీ చేసి విజయం సాధించారు. ఎన్నికల అఫిడవిట్ ప్రకారం పప్పు యాదవ్పై దాదాపు 41 కేసులు నమోదయ్యాయి. 1990లో జరిగిన అసెంబ్లీ ఎన్నికల్లో విజయం సాధించడం ద్వారా పప్పు యాదవ్ తన ఎన్నికల రాజకీయాన్ని ప్రారంభించారు. ఈ ఎన్నికల్లో కూడా స్వతంత్ర అభ్యర్థిగా పోటీ చేసి విజయం సాధించారు.
Read Also:TDP-Janasena-BJP Alliance: నేడు ఏపీలో కూటమి ఎమ్మెల్యేల భేటీ.. శాసన సభాపక్ష నేతగా చంద్రబాబు..!