CP Satyanarayana : సైబర్ నేరాలపై విద్యార్థులకు అవగాహన కల్పించడమే సైబర్ కాంగ్రెస్ లక్ష్యం
- Follow Us :
-
-
Add as a preferred
source on google
సైబర్ క్రైమ్పై విద్యార్థులకు అవగాహన కల్పించేందుకు పోలీసు శాఖ సైబర్ కాంగ్రెస్ పేరుతో శిక్షణను ఏర్పాటు చేసినట్లు పోలీసు కమిషనర్ వి.సత్యనారాయణ తెలిపారు. గురువారం మహిళా భద్రతా విభాగం తెలంగాణ పోలీస్ మరియు పాఠశాల విద్యా శాఖ ఆధ్వర్యంలో సైబర్ క్రైమ్పై ఆన్లైన్ శిక్షణా కార్యక్రమం సైబర్ కాంగ్రెస్గా ‘సైబర్-III’ గ్రాండ్ ఫినాలే వేడుకలో కమిషనర్ పాల్గొన్నారు. ఈ సందర్భంగా సత్యనారాయణ మాట్లాడుతూ.. ఆన్లైన్ మోసాల బారినపడి మోసపోయిన వ్యక్తులకు ఆత్మవిశ్వాసం నింపడంతో పాటు ఆదుకుంటామని హామీ ఇచ్చారు. విలువలు, సహజ వ్యవస్థ కనుమరుగవుతున్నాయని ఆందోళన వ్యక్తం చేసిన సీపీ.. మంచి విషయాలను మాత్రమే స్వీకరించాలని ప్రజలకు సూచించారు. విద్యార్థులకు ఎలాంటి ఇబ్బందులు ఎదురైతే వారి తల్లిదండ్రుల దృష్టికి తీసుకురావాలని సూచించారు. పోలీసు శాఖ ద్వారా శిక్షణ పొందిన విద్యార్థులు ఇతరులకు అవగాహన కల్పించాలని, తెలియని మొబైల్ యాప్లను వినియోగించవద్దని ప్రజలకు సూచించారు. పోలీసు శాఖ నిర్వహిస్తున్న శిక్షణా కార్యక్రమాన్ని విద్యార్థులు అర్థం చేసుకుని ముందుకు సాగాలని అదనపు కలెక్టర్ గరిమా అగర్వాల్ సూచించారు.
‘సైబర్ క్రైమ్’ పేరుతో ప్రచురించిన హ్యాండ్బుక్ మరింత ఉపయోగకరంగా ఉంటుందని, విద్యార్థులు సోషల్ మీడియాను తమ అవసరాలకు మాత్రమే ఉపయోగించుకోవాలని, అనవసరంగా ఉపయోగించుకుని సమయాన్ని వృథా చేసుకోవద్దని సూచించారు. డీజీపీ మహేందర్ రెడ్డి హైదరాబాద్ నుంచి వర్చువల్ మోడ్ ద్వారా ప్రసంగించారు. ఈ సందర్భంగా శిక్షణలో అత్యుత్తమ ప్రతిభ కనబర్చిన విద్యార్థులు, ఉపాధ్యాయులు, మెంటర్లకు బహుమతులు అందజేశారు. జిల్లా విద్యాశాఖ అధికారి జనార్దన్రావు, అదనపు డీసీపీ (లా అండ్ ఆర్డర్) ఎస్ శ్రీనివాస్, ఏసీపీలు తుల శ్రీనివాసరావు, సీ ప్రతాప్, నోడల్ అధికారిణి కృపారాణి, ఇన్స్పెక్టర్లు నటేష్, మల్లేశ్, రమేష్, మురళి పాల్గొన్నారు.