Covid Update: రోజురోజుకు పెరుగుతున్న కరోనా కేసులు.. కొత్తగా ఎన్నంటే?

Covid Update: భారత్‌లో కరోనా కేసులు రోజురోజుకూ పెరుగుతున్నాయి. మంగళవారం దేశంలో 475 కొత్త కోవిడ్ కేసులు నమోదయ్యాయి. ప్రస్తుతం దేశంలో 3,919 యాక్టివ్ కేసులు ఉన్నట్లు ఆరోగ్య మంత్రిత్వ శాఖ వెల్లడించింది. గడిచిన 24 గంటల్లో కరోనా కారణంగా 6గురు ప్రాణాలు కోల్పోయినట్లు తెలిపింది. ఇందులో కర్ణాటకలో ముగ్గురు, ఛత్తీస్‌గఢ్‌లో ఇద్దరు, అస్సాంలో ఒకరు కొవిడ్‌ వల్ల మరణించారు. వాతావరణ పరిస్థితుల వల్ల కేసులు మరింత వేగం పెరుగుతున్నాయనే సంగతి తెలిసిందే.

Read Also: Earthquake in Japan: జపాన్‌లో మరోసారి భారీ భూకంపం.. హడలిపోతున్న ప్రజలు

దేశంలో 12 రాష్ట్రాల నుంచి జనవరి 8వ తేదీ వరకు 819 జేఎన్‌-1 సబ్‌వేరియంట్‌ కేసులు నమోదయ్యాయని సంబంధిత అధికార వర్గాలు వెల్లడించాయి. జేఎన్‌-1 సబ్‌వేరియంట్‌కు సంబంధించి మహారాష్ట్ర నుంచి 250 కేసులు నమోదు కాగా.. కర్ణాటక నుంచి 199, కేరళ నుంచి 148, గోవా నుంచి 49, గుజరాత్ నుంచి 36, ఆంధ్ర ప్రదేశ్ నుంచి 30, రాజస్థాన్ నుంచి 30, తమిళనాడు నుండి 26, తెలంగాణలో 26 కేసులు నమోదయ్యాయి. ఢిల్లీ నుంచి 21, ఒడిశా నుంచి ముగ్గురు, హర్యానా నుంచి ఒకరు ఉన్నారు.

ముంబైలో 19 మందికి కరోనా పాజిటివ్
ముంబైలో JN.1 సబ్-వేరియంట్‌లో 19 మంది కరోనా వైరస్‌లు ఉన్నట్లు బృహన్‌ముంబయి మున్సిపల్ కార్పొరేషన్ (BMC) అధికారి మంగళవారం తెలిపారు. మొత్తం జీనోమ్ సీక్వెన్సింగ్ (WGS) విశ్లేషణలో జేఎన్‌-1 సబ్‌వేరియంట్‌కు పాజిటివ్‌గా గుర్తించిన 22 నమూనాలలో 19 ముంబైకి చెందినవని బీఎంసీ ఎగ్జిక్యూటివ్ హెల్త్ ఆఫీసర్ దక్షా షా తెలిపారు. పౌరసంఘం విడుదల చేసిన విడుదల ప్రకారం, ఈ నమూనాలను గత నెలలో పరీక్ష కోసం పంపారు. సోమవారం రిపోర్టు వచ్చింది.