Rainy Season : వర్షాకాలంలో పిల్లల ఆరోగ్యంపై శ్రద్ధ అవసరం.. ఈ నియమాలు పాటించండి

వాతావరణం మారుతోంది. వర్షాలు ప్రారంభమయ్యాయి. సీజనల్‌ వ్యాధులు ప్రబలే ఈ కాలంలో పిల్లల ఆరోగ్యం పట్ల ప్రత్యేక శ్రద్ధ వహించాలి. జ్వరం, శ్వాసకోశ ఇన్ఫెక్షన్లు, ఫంగల్‌ ఇన్ఫెక్షన్లు, పొత్తికడుపు ఇన్ఫెక్షన్లు వంటి సమస్యలతో పిల్లలు ఈ కాలంలో చాలా ఇబ్బందిపడతారు. ఈ వర్షాకాలంలో పిల్లలు ఆరోగ్యంగా ఉండేందుకు అనుసరించాల్సిన పరిశుభ్రత, జాగ్రత్తల గురించి పెద్దలకు కచ్చితమైన అవగాహన ఉండాలి. పాఠశాలలు మెుదలయ్యే రోజు దగ్గరకు వచ్చింది. చాలా మంది వర్షం పడితే గెంతుతూ సంబరాలు చేసుకుంటారు. దీంతో వర్షాకాలంలో వ్యాధుల సంఖ్య కూడా పెరుగుతుంది. వర్షాకాలంలో డెంగ్యూ, మలేరియా వంటి వ్యాధులు ప్రబలుతున్నాయి. ఈ సమయంలో మీరు పిల్లల ఆరోగ్యాన్ని జాగ్రత్తగా చూసుకోవడం చాలా ముఖ్యం.

READ MORE: Congress: “ఎంతకాలం డీఎంకేపై ఆధారపడాలి”.. తమిళనాడు కాంగ్రెస్ చీఫ్ సంచలన వ్యాఖ్యలు..

పిల్లలు బయటికి వెళ్లేటప్పుడు, స్కూలుకు వెళ్తుంటే గొడుగులు, రెయిన్‌కోట్‌లు, రెయిన్‌బూట్‌లను ఉపయోగించండి. ఇది మీ పిల్లలను సురక్షితంగా ఉంచుతుంది. వర్షాకాలంలో రోజూ కురుస్తున్న వర్షం వల్ల చలి వాతావరణం ఏర్పడుతుంది. పిల్లలు వెచ్చగా ఉండాలంటే వీలైనంత వరకు కాటన్ దుస్తులు, జాకెట్లు ధరించండి. అలాగే శిశువు బట్టలు పూర్తిగా ఆరిపోయినప్పుడు మాత్రమే ఉపయోగించాలి. ఎందుకంటే, వర్షాకాలంలో బట్టలు తేమను పీల్చుకుంటాయి. ఇది ఫంగల్ వ్యాధులకు కారణమవుతుంది. వర్షాకాలంలో మీ బిడ్డ తడి డైపర్‌లను ఎక్కువసేపు ధరించనివ్వవద్దు. ఇతర కాలాల కంటే వర్షాకాలంలో పిల్లలు ఎక్కువగా మూత్ర విసర్జన చేస్తారు. మీరు డైపర్లను ఉపయోగిస్తుంటే, వాటిని మారుస్తూ ఉండండి. లేదంటే చర్మంపై దద్దుర్లు రావచ్చు. వర్షాకాలంలో ఫ్లూ, జలుబు, తుమ్ములు, ఇతర లక్షణాలు సాధారణం. ముందుగా లక్షణాలను గుర్తించి వీలైనంత త్వరగా వైద్యులను సంప్రదించాలి. ప్రారంభ దశలో వ్యాధిని ఎదుర్కోవడానికి తగిన జాగ్రత్తలు తీసుకోండి.

READ MORE: Mumbai: భారత్ లోకి చొరబడ్డ బంగ్లాదేశీయులు.. నకిలీ పత్రాలు సృష్టించి ఓటు సైతం వేసినట్లు గుర్తింపు

దోమ కాటు చాలా ప్రమాదం. అది తీవ్రమైన అసౌకర్యాన్ని కలిగిస్తుంది. చర్మంలో ఎర్రటి వాపు ఉండవచ్చు. మీ బిడ్డ పడుకునే ప్రదేశంలో దోమతెరను అమర్చండి. బాగా నిద్రపోతున్నారో లేదో గమనించండి. పూర్తిగా కప్పబడిన దుస్తులను వేయండి. కిటికీలు, తలుపులు మూసివేయండి. సహజ దోమల వికర్షకం కలిగి ఉంటే దానిని ఉపయోగించవచ్చు. వర్షాకాలం మొదలైంది అంటే దోమలు పుట్టుకొస్తాయి. ఇంటి చుట్టూ ఎక్కడా నీరు నిలువకుండా చూసుకోవాలి. వర్షాకాలంలో శిశువుకు రోజూ స్నానం చేయించాల్సిన అవసరం లేదు. ఎందుకంటే పిల్లవాడు రోజులో ఎక్కువ సమయం ఇంట్లోనే గడుపుతాడు. మీ బిడ్డకు వారానికి రెండు మూడు సార్లు స్నానం చేస్తే సరిపోతుంది. గోరువెచ్చని నీటితో స్నానం చేయించండి. వర్షాకాలంలో చాలా మందిని చిన్ననాటి జ్ఞాపకాలు వెంటాడతాయి. వర్షంలో తడుస్తూ కాగితపు పడవలు తయారు చేసి నీటిలో పడేస్తుంటారు. ఉరుములు, మెరుపులు మొదలైన సందర్భాల్లో కొందరు బయట ఉంటారు. అలాంటి సమయంలో అనారోగ్యానికి గురికావడం కూడా కాస్త ఎక్కువే. జాగ్రత్తలు తీసుకోవాలి.