Tamilnadu : నుదిటిపై తిలకం.. ఇంటిపేరు ఉండకూడదు.. విద్యార్థులకు తమిళనాడు ప్రభుత్వం కొత్త రూల్స్

Tamilnadu : ఇక మీదట తమిళనాడులో విద్యార్థులు చేతికి తిలకం, బ్యాండ్ కట్టుకుని పాఠశాలకు వెళ్లలేరు. అలాగే ఏ విద్యార్థి కూడా తన పేరులో కులాన్ని చేర్చుకోలేరు. ఎవరైనా విద్యార్థి ఇలా చేస్తే వారిపై చర్యలు తీసుకుంటాం. త్వరలోనే ఈ నిబంధనలపై ప్రభుత్వం అధికారిక గెజిట్ విడుదల చేయనుంది. రాష్ట్రంలోని పాఠశాలల్లో కుల వివాదాలకు సంబంధించి ముఖ్యమంత్రి ఎంకే స్టాలిన్ కఠిన నిబంధనలు రూపొందించనున్నారు. దీని సన్నాహాలు దాదాపు పూర్తయ్యాయి. ఈ విషయమై ఏడాది క్రితం ఏర్పాటైన కమిటీ విచారణ నివేదికను పూర్తి చేసింది. తమిళనాడులో 2023లో మద్రాసు హైకోర్టు రిటైర్డ్ న్యాయమూర్తి జస్టిస్ కె. చంద్రు అధ్యక్షతన ఏర్పాటైన కమిటీ తన ప్రతిపాదనను ముఖ్యమంత్రి ఎంకే స్టాలిన్‌కు అందించింది. ఈ కమిటీ తన సిఫార్సులను ముఖ్యమంత్రికి సమర్పించింది. గత ఏడాది ఆగస్టు నెలలో తిరునెల్వేలిలోని నంగునేరిలోని ఒక పాఠశాలలో షెడ్యూల్డ్ కులాల వర్గానికి చెందిన అన్నదమ్ముల జంటపై కుల వివక్ష కారణంగా పాఠశాలలోని మరో కులానికి చెందిన విద్యార్థులు దాడి చేశారు. దీని తర్వాత ఒక కమిటీని ఏర్పాటు చేసి, దాని పరిష్కారానికి ప్రణాళికను రూపొందించాలని కోరారు.

Read Also:Suryakumar Yadav: మొదటిసారి అవార్డు వచ్చింది.. ఎవరికీ ఇవ్వను: సూర్య

ఉంగరం, తిలకం ధరించడంపై నిషేధం
కుల వివక్షను తొలగించేందుకు రాష్ట్ర ప్రభుత్వ కమిటీ తన సిఫార్సుల్లో పలు సూచనలు చేసింది. పాఠశాల ఆవరణలో కులాన్ని సూచించే రిస్ట్ బ్యాండ్‌లు, ఉంగరాలు, నుదిటి గుర్తులు (తిలకం) ధరించడాన్ని నిషేధించాలని కమిటీ తన సిఫార్సులలో ప్రతిపాదించింది. కులానికి సంబంధించిన చిత్రాలను ముద్రించిన సైకిళ్లపై నిషేధం విధించాలని కమిటీ సిఫార్సు చేసింది. విద్యార్థులు ఈ నిబంధనలను పాటించకుంటే వారిపై చర్యలు తీసుకోవాలని, వారి తల్లిదండ్రులు లేదా సంరక్షకులకు తెలియజేయాలని నివేదికలో పేర్కొన్నారు. హైస్కూల్, హయ్యర్ సెకండరీ పాఠశాలల ఉద్యోగులు, ఉపాధ్యాయులను ఎప్పటికప్పుడు బదిలీ చేయాలని నివేదికలో ప్రతిపాదించారు.

పాఠశాల సంక్షేమ అధికారి నియమించాలని సిఫార్సు
500 మందికి పైగా విద్యార్థులున్న ప్రతి ఉన్నత పాఠశాలలో పాఠశాల సంక్షేమ అధికారి ఉండాలని నివేదిక పేర్కొంది. అలాగే, డ్రిల్‌లు, కవాతులు లేదా మతపరమైన లేదా కుల సంబంధిత సందేశాలను వ్యాప్తి చేయడానికి పాఠశాల, కళాశాల స్థలాలను ఉపయోగించడాన్ని నిషేధించే నియమాలను రూపొందించాలి. ఇది కాకుండా, 6 నుండి 12 తరగతుల విద్యార్థులకు సామాజిక సమస్యలు, కుల వివక్ష, లైంగిక హింస, SC / ST వర్గాలపై నేరాలపై పాఠశాల, కళాశాల సిబ్బందికి తప్పనిసరి కార్యక్రమాలు నిర్వహించాలన్న ప్రతిపాదనలు ఉన్నాయి.

Read Also:Pawan Kalyan: తొలిసారి అసెంబ్లీలో అడుగుపెట్టిన జనసేనాని.. 21 మందితో.. 21న..