Anil Ravipudi: నాలా సందీప్ రెడ్డి వంగా సినిమాలు తీయలేడు : అనిల్ రావిపూడి
‘సంక్రాంతికి వస్తున్నాం’ మూవీ హిట్ తో ఫుల్ ఫామ్ లో ఉన్నాడు దర్శకుడు అనిల్ రావిపూడి. రాజమౌళి తర్వాత అపజయమెరుగని దర్శకుడిగా అనిల్ నిలిచాడు. ఇప్పటివరకు ఎనిమిది సినిమాలకు ఎనిమిది విజయాలు సాధించాడు. ఇందులో ‘ఎఫ్2’, ‘ఎఫ్3’ బ్లాక్బస్టర్ హిట్లు కాగా. ఈ విజయాల తర్వాత ‘సంక్రాంతికి వస్తున్నాం’ సినిమా అంతకు మంచి.. పది రోజుల్లోనే రూ.230 కోట్ల గ్రాస్ కలెక్షన్ సాధించింది. ఇప్పటికి బాక్సాఫీస్ వద్ద విజయవంతంగా రన్ అవుతుంది. అయితే ఈ సక్సెస్ లో భాగంగా వరుస ఇంటర్వ్యూలో పాల్గొంటున్నాడు దర్శకుడు అనిల్ రావిపూడి. ఇందులో భాగంగా ఓ ఇంటర్వ్యూలో సందీప్ రెడ్డి వంగ గురించి ఇంట్రెస్టింగ్ విషయాలు పంచుకున్నాడు.
అనిల్ మాట్లాడుతూ ‘ నాకు ‘స్పిరిట్’ సినిమాలో నటించే అవకాశం ఇవ్వమని సందీప్ రెడ్డి వంగాను అడిగాను. దాకిని సందీప్ రెడ్డి నవ్వుతూ ‘మీరు మాకు దొరకరు. సినిమా తర్వాత సినిమా చేస్తావు. యాక్టింగ్ చేసే గ్యాపు ఇస్తావా ?’ అని అన్నాడు. నిజంగా చెప్పాలి అంటే ఒక్కో దర్శకుడి ఐడియాలజి ఒక్కోలా ఉంటుంది. నేను సందీప్లా సినిమాలు తీయలేను. అదేవిధంగా నాలాగా సందీప్ రెడ్డి వంగా కూడా సినిమాలు తీయలేడు’ అంటూ అనిల్ రావిపూడి చెప్పుకొచ్చారు. నిజంగానే ‘యనిమల్’ మూవీ చూస్తే అది క్లియర్ గా అర్థం అవుతుంది. యాక్షన్ మూవీ తీయడంలో తనకు తానే సాటి అని నిరుపించుకున్నాడు సందీప్. అలాగే అనిల్ కూడా ఫ్యామిలీ అడియన్స్ని అలరిస్తూ బ్లాక్ బాస్టర్ హిట్ లు కొడుతున్నాడు.