టీడీపీ అధినేత నారా చంద్రబాబు నాయుడు, మాజీ మంత్రి నారాయణ కలిసి వేల కోట్ల రూపాయల మేర అవినీతికి పాల్పడ్డారు అంటూ నెల్లూరు సిటీ ఎమ్మెల్యే అనిల్ కుమార్ యాదవ్ ఆరోపించారు. 800 కోట్ల రూపాయల విలువైన పేదల భూములను దోచేశారు.. త్వరలోనే నారాయణ కూడా అరెస్టు అవుతారు.. అందుకే ఆయనకు భయం పట్టుకుంది.. అప్పట్లో కాపు ఉద్యమం సందర్భంగా కంచాలు కొడితే, ముద్రగడ కుటుంబాన్ని అనేక రకాలుగా హింసించారు అని మాజీ మంత్రి అనిల్ కుమార్ యాదవ్ అన్నారు.
Read Also: Minister KTR: నేడు మంచిర్యాలలో కేటీఆర్‌ పర్యటన.. ఠాగూర్‌ స్టేడియంలో బహిరంగ సభ
చంద్రబాబు అరెస్టుకు నిరసన కార్యక్రమాల పేరుతో నవ్వుతూ విజిల్స్ వేస్తూ.. నృత్యాలు చేశారు అంటూ మాజీ మంత్రి, నెల్లూరు సిటీ ఎమ్మెల్యే అనిల్ కుమార్ యాదవ్ అన్నారు. దీన్ని చూస్తే సంబరాలు లాగా ఉన్నాయి.. మీరు దేనికి గంట కొట్టారు..దేనికి విజిల్స్ వేశారో ప్రజలకు చెప్పాలి.. చంద్రబాబు అరెస్టుపై టీడీపీ పార్టీ నేతలే అంతంత స్పందిస్తుంటే.. వైసీపీ నుంచి ఎన్నికైన ఎమ్మెల్యేలు కోటంరెడ్డి శ్రీధర్ రెడ్డి, ఆనం రామనారాయణ రెడ్డిలు మాత్రం ఎంతో ఆవేదనతో ఉన్నారు అని అనిల్ కుమార్ యాదవ్ పేర్కొన్నారు.
Read Also: Pawan Kalyan: ఇవాళ్టి నుంచి పవన్ కళ్యాణ్ నాలుగో విడత వారాహి యాత్ర
చంద్రబాబు రెండుసార్లు ఎమ్మెల్యే టికెట్ ఇచ్చి గెలిపించినట్టుగా కోటంరెడ్డి, ఆనం రామనారాయణరెడ్డి భావించి ఆవేదన చెందుతున్నారు అని అనిల్ కుమార్ యాదవ్ అన్నారు. నాలుగున్నర ఏళ్లు ఏమి చేశారని టీడీపీ నేతలు అంటున్నారు.. ఇప్పుడు అన్ని బయటకు వచ్చాయి అందుకే చర్యలు తీసుకుంటున్నాం అని ఆయన తెలిపారు. ఢిల్లీకి వెళ్లిన టీడీపీ జాతీయ ప్రధాన కార్యదర్శి నారా లోకేష్ ఏమి చేస్తున్నాడో ఎవరికీ తెలియడం లేదు అంటూ అనిల్ కుమార్ యాదవ్ మండిపడ్డారు.