IPL 2024: ముంబై ఇండియన్స్ లోకి 17 ఏళ్ల యువ సంచలన పేసర్..!

రేపు మొదలు కానున్న ఐపీఎల్ 2024 సీజన్ తరుణంలో ముంబై ఇండియన్స్ జట్టులో ఓ పెను మార్పు చేసింది. 17ఏళ్ల పేసర్ క్వెనా మఫకాను ముంబై ఇండియన్స్ టీమ్‍‍లోకి తీసికుంది. అండర్ 19 ప్రపంచకప్‍ లో అద్భుతంగా బౌలింగ్ వేసిన ఈ 17 ఏళ్ల ఫాస్ట్ బౌలర్‌ ను ఎంపిక చేసుకుంది ముంబై.

Also Read: Pawan Kalyan: ఎన్నికల ప్రచారానికి సిద్ధమవుతోన్న పవన్‌ కల్యాణ్‌.. రోడ్డెక్కనున్న వారాహి..

ఇకపోతే శ్రీలంక స్టార్ పేస్ బౌలర్ దిల్షాన్ మధుశంక గాయం కారణంగా ఈ సీజన్‍ కు ముంబై ఇండియన్స్ జట్టుకు దూరమయ్యాడు. దీంతో అతడికి రిప్లేస్‍మెంట్‍‍ గా మఫకాను ముంబై తీసుకోనుంది.
ఈ ఏడాది మొదట్లో జరిగిన అండర్-19 ప్రపంచకప్‍ లో సౌత్ ఆఫ్రిక తరుపున క్వెనా మఫకా అద్భుతంగా బౌలింగ్ చేసి ఏకంగా 21 వికెట్లను పడగొట్టాడు. ఒక్క అండర్ 19 ప్రపంచకప్ ఎడిషన్‍ లో అత్యధిక వికెట్లు తీసిన పేసర్‌ గా అతను రికార్డు సృష్టించాడు.

Also Read: RBI on March 31: మార్చి 31పై కీలక ఆదేశాలు తీసుకోనున్న ఆర్‌బిఐ.. ఆదివారమైనా ఆ బ్యాంకులు పనిచేయాల్సిందే..!

ముఖ్యంగా ప్రపంచకప్‍ లో డెత్ ఓవర్లలో క్వెనా మఫకా బౌలింగ్ అదరగొట్టాడు. తన యార్కర్లతో ఎదుటి బ్యాటర్లని భయపెట్టాడు. దీంతో ఈ దక్షిణాఫ్రికా అన్‍క్యాప్డ్ ఫాస్ట్ బౌలర్‌ ను జట్టులోకి తీసుకోబోతుంది ముంబై ఫ్రాంచైజీ. ముంబై ఇండియన్స్ క్వెనా మఫకాను రూ.50లక్షల బేస్ ప్రైజ్‍తో తీసుకుంది. ఐపీఎల్ 17 వ సీజన్ మార్చి 22, 2024 టోర్నీ మొదలుకానుంది. ఈ సీజన్‍ లో తొలి మ్యాచ్‍ ను ముంబై ఇండియన్స్ జట్టు మార్చి 23వ తేదీన గుజరాత్ టైటాన్స్ జట్టుతో ఆడనుంది. ఇక ఈ సీజన్‍ కోసం అనేక చర్చల తర్వాత రోహిత్ శర్మను కెప్టెన్సీ నుంచి తప్పించి హార్దిక్ పాండ్యాకు ఆ బాధ్యతలు అప్పగించింది ముంబై ఫ్రాంచైజీ.