Andhra Pradesh: మేక పిల్లలకు తల్లిగా మారిన ఆవు.. పాలిస్తూ.. ప్రేమను పంచుతూ..

Andhra Pradesh: తల్లిని కోల్పోయిన మేక పిల్లలకు తల్లిగా మారిపోయింది.. ఓ గోమాత.. తన బిడ్డతో పాటు.. మరో రెండు మేకపిల్లలకు కూడా పాలు పడుతోంది.. తల్లినేని ఆ మేక పిల్లలకు పాలిస్తూ.. తల్లి ప్రేమను పంచుతోంది.. ఈ ఘటన ఆంధ్రప్రదేశ్‌లోని అల్లూరి సీతారామరాజు జిల్లా గూడెం కొత్తవీధి మండలం చాపరాతిపాలెంలో వెలుగు చూసింది.. దీంతో.. మేక పిల్లలకు పాలు ఇస్తున్న ఆ గోవును ఆసక్తిగా చూస్తున్నారు స్థానికులు, రైతులు..

Read Also: Best foods to build muscle: కండరాలు బలంగా మారాలంటే ఈ ఫుడ్స్ తినండి..

పూర్తి వివరాల్లోకి వెళ్తే.. గూడెం కొత్తవీధి మండలం చాపరాతిపాలెంలో ఓ రైతుకు చెందిన ఆవును తన లేగదూడతో పాటు.. రెండు మేక పిల్లలకు కూడా పాలు ఇస్తుంది.. ఆ ఆవు పాలను దూడతో కలిసి రెండు మేకపిల్లలు పోటీపడి తాగుతున్నాయి. ఈ ఘటన శుక్రవారం ఉదయం ఓ కెమెరాకు చిక్కడంతో.. వెలుగులోకి వచ్చింది.. అయితే, వారం రోజుల నుంచి ఆవు.. మేక పిల్లలకు పాలు ఇస్తోందని స్థానికులు తెలిపారు. తల్లి లేని ఆ మేకలకు పాలిస్తూ.. తల్లి ప్రేమను అందిస్తోందని, దూడ కూడా వాటిని నెట్టకుండా కలిసి మెలిసి పాలు తాగుతున్నాయని చెబుతున్నారు.. అయితే, ఇది చూసేందుకు చుట్టుపక్కల వారు వస్తున్నారని ఆ గో యజమాని పేర్కొన్నారు.. ఏదైనా కాస్త వెరైటీగా కనిపిస్తే.. సోషల్‌ మీడియాలో వైరల్ చేయడం నెట్టింట ఎప్పుడూ జరిగే పనే.. ఇప్పుడు గోమాత దగ్గర లేగదూడతో పాటు.. ఆ రెండు మేక పిల్లలు పాలు తాగుతున్న వీడియో వైరల్‌గా మారిపోయింది.