Helicopter Crash: అలబామాలో కుప్పకూలిన యూఎస్‌ మిలిటరీ హెలికాప్టర్.. ఇద్దరు మృతి

Helicopter Crash: అమెరికా దక్షిణ రాష్ట్రమైన అలబామాలోని హైవే సమీపంలో మిలిటరీ బ్లాక్ హాక్ హెలికాప్టర్ కూలిపోవడంతో బుధవారం ఇద్దరు వ్యక్తులు మరణించినట్లు అధికారులు తెలిపారు.టెన్నెస్సీ నేషనల్ గార్డ్‌కు చెందిన ఈ హెలికాప్టర్‌లో శిక్షణ తీసుకుంటుండగా.. హంట్స్‌విల్లే నగరానికి సమీపంలో మధ్యాహ్న సమయంలో కూలిపోయిందని టెన్నెస్సీ నేషనల్ గార్డ్ ఒక ప్రకటనలో తెలిపింది. నేషనల్ గార్డ్ అనేది రాష్ట్ర-ఆధారిత సైనిక దళం.

Pak Hikes Fuel Prices: పాక్‌ ప్రజలపై మరో బాంబ్.. లీటరు పెట్రోల్‌ ధర రూ.272

ఇద్దరు టెన్నెస్సీ నేషనల్ గార్డ్స్‌మెన్‌లను కోల్పోయినందుకు ఎంతో బాధగా ఉందని టెన్నెస్సీ సైనిక దళాల అధిపతి బ్రిగేడియర్ జనరల్ వార్నర్ రాస్ ఒక ప్రకటనలో తెలిపారు. వారి కుటుంబాలకు తోడుగా నిలుస్తామని ఆయన అన్నారు. ఈ ప్రమాదంలో ఇతర సర్వీస్ సభ్యులు లేదా పౌరులు ఎవరూ గాయపడలేదని టెన్నెస్సీ నేషనల్ గార్డ్ పేర్కొంది.