మయన్మార్ నుంచి భారత్కు వచ్చిన 276 మంది సైనికుల్లో 184 మందిని సోమవారం తిరిగి తమ దేశానికి ఇండియన్ ఆర్మీ పంపించింది. ఈ మయన్మార్ సైనికులు గత వారం జాతి తిరుగుబాటు బృందంతో కాల్పులు జరిపిన తర్వాత మిజోరంకు వచ్చారు. 184 మంది మయన్మార్ సైనికులను రెండు విమానాల్లో తిరిగి సిట్వే (అక్యాబ్)కి తరలించారు. మయన్మార్ దళాలు బయలుదేరే ముందు భారత అధికారులు అవసరమైన అన్ని లాంఛనాలను పూర్తి చేశారు అని అధికారులు ఒక ప్రకటనలో తెలిపారు.
Read Also: Ayalaan : అయలాన్ ఓటీటీ రిలీజ్ డేట్ ఫిక్స్.. స్ట్రీమింగ్ ఎక్కడంటే..?
మిగిలిన 92 మంది మయన్మార్ సైనికులను ఇవాళ విమానంలో రప్పించనున్నట్లు అధికారులు తెలిపారు. పొరుగు దేశం నుంచి సైన్యాన్ని వెనక్కి పంపేలా చూడాలని మిజోరం ప్రభుత్వం కేంద్ర ప్రభుత్వాన్ని కోరిన కొద్ది రోజుల తర్వాత ఈ పరిణామం చోటు చేసుకుంది. గత వారం 17న దేశంలోని రఖైన్ రాష్ట్రంలోని వారి శిబిరాలపై జాతి సమూహాలు దాడి చేసి స్వాధీనం చేసుకున్న తర్వాత వందలాది మంది మయన్మార్ ఆర్మీ సైనికులు సరిహద్దు దాటి మిజోరంలోని లాంగ్తలై జిల్లాలో ఆశ్రయం పొందారు.
Read Also: Ayodhya : నేటి నుంచి సామాన్యులకు బాలరాముడి దర్శనం..
మిజోరాం ముఖ్యమంత్రి లాల్దుహోమా కూడా గత వారం జనవరి 20న షిల్లాంగ్లో జరిగిన ఈశాన్య కౌన్సిల్ సమావేశంలో కేంద్ర హోం మంత్రి అమిత్ షాతో ఈ సమస్యను లేవనెత్తారు. మయన్మార్ దళాలను వెనక్కి పంపాలని కోరారు. మయన్మార్ సైన్యం ప్రజాస్వామ్య అనుకూల మిలీషియాల మధ్య భీకర పోరు జరుగుతున్న నేపథ్యంలో మయన్మార్ ప్రజల సంఖ్య వేగంగా పెరుగుతుందనే ఆందోళనతో ప్రజల స్వేచ్ఛా సంచారాన్ని నిరోధించేందుకు భారత్-మయన్మార్ సరిహద్దు పొడవునా ఫెన్సింగ్ను ఏర్పాటు చేసింది. మయన్మార్తో స్వేచ్ఛా ఉద్యమ పాలన (ఎఫ్ఎంఆర్) ఒప్పందాన్ని ప్రభుత్వం పునరాలోచిస్తుంది. ఈ ఉద్యమానికి ముగింపు పలకబోతోందని జనవరి 20న అమిత్ షా చెప్పారు. భారతదేశం- మయన్మార్ మధ్య 1,643 కి.మీ పొడవైన కంచె లేని సరిహద్దు ఉంది. నవంబర్ నుంచి ఇప్పటి వరకు 635 మంది మయన్మార్ సైనికులు తమ దేశం విడిచి మిజోరంలోకి ప్రవేశించారని అధికారులు వెల్లడించారు. అస్సాం రైఫిల్స్ తెలిపిన వివరాల ప్రకారం.. ఇప్పటికే 359 మంది సైనికులను తిరిగి మయన్మార్ పంపించినట్లు సమాచారం.
