Yogi-Modi Meeting: ఉత్తర్ ప్రదేశ్ అసెంబ్లీ ఎన్నికలకు కొన్ని నెలలే సమయం ఉన్న నేపథ్యంలో ఢిల్లీలో ఆ రాష్ట్ర సీఎం యోగి ఆదిత్యనాథ్, ప్రధాని నరేంద్రమోడీతో భేటీ అయ్యారు. దాదాపు గంటల పాటు ఇద్దరు చర్చించుకున్నారు. రాబోయే యూపీ ఎన్నికలతో పాటు రాజ్యసభ ఎన్నికలు, పార్టీ ఎన్నికల సన్నాహాలపై చర్చించినట్లు సంబంధిత వర్గాలు తెలిపాయి. అయితే, ఈ భేటీకి సంబంధించిన అధికారిక ఎజెండాను కేంద్ర ప్రభుత్వం కానీ, పీఎంఓ కానీ వెల్లడించలేదు. ఇద్దరి భేటీపై రాజకీయ వర్గాల్లో ఆసక్తి నెలకొంది.
మరోవైపు, యూపీ ఎన్నికలకు సంబంధించి రాజకీయ కార్యక్రమాలు ఊపందుకున్నాయి. మరోసారి అధికారంలోకి రావాలని బీజేపీ క్షేత్రస్థాయిలో కార్యచరణ మొదలుపెట్టింది. సమాజ్వాదీ(ఎస్పీ) చీఫ్ అఖిలేష్ యాదవ్ పీడీఏ రథయాత్రను ప్రారంభించారు. బీజేపీ-ఆర్ఎస్ఎస్ సంయుక్తంగా ఉత్తర్ ప్రదేశ్ ఎన్నికల కసరత్తును ప్రారంభించి, స్థానిక నేతలతో భేటీలు నిర్వహిస్తోంది.